Luka 8:28 - Chipangano Chabwangu

²⁸ Ulo abwene Yesu, alilile neshiwi ilikulu nokufukama pamakasa akwe nokuti, “Nindo ukofwaya kuli nebo webo Yesu, we Mwana waku Lesa Uwapulamo? Napapata, winchu-shapo!”

Luka 8:28 ပူးပေါင်းရင်းမြစ်များ

Mateyo 8:29

Ulo babwene Yesu, balibilikishe bati, “We mwana waku Lesa, nindo ukofwaya kuli fwebo? Napo wayisa nkuno mukutuchusha nenshita ilingile tayilafika, bayi?”

Luka 8:27

Ulo Yesu afumine mubwato pachabu, akumene nomwalalume uwafumine mumushi uwali nemipashi iibi. Alikwenda ubwamba inshita ishinji. Elo talikwikala munanda, kuntu kumanda.

Luka 8:29

Asosele mfi pakuti Yesu aebele kale umupashi uubi ukufumamo muli ye. Inshita ishinji ulo alikuchula nomupashi ngu balikumulinda uwakakwa namangwelengwende elo nobunyololo kumaboko. Nomba fyonse alikufiputaula, elo nomupashi uubi wali kumutwala muchiswebebe.

Yemusi 2:19

Mwebo muchetekela ukwebati Lesa umo bwaka. Chiweme! Nayo imipashi iibi ilachetekela nokututuma kumwenso.

2 Petulo 2:4

Pakuba Lesa talekelele abangelo ababifishe mbalya, kuntu alibaposele muchibembela chamulilo, muchilindi chamfishi uko bakakilwe ukulindila ukupingulwa.

1 Yohane 3:8

Uyo utwalilila ukubifya wakwa Satana, pantu Satana nimbifi ukutula kukutatika. Echo no Mwana waku Lesa abonekele ukuti aonaule imilimo yakwa Satana.

Ukufisulula 20:10

Elo Kachenjeleka uwababepele, aliposelwe muli bemba wamulilo uwaka namabwe asilubale, umo umwali kale ichiswango nomusoseshi wabufi. Echo bakuchula umuyayaya akasuba nobushiku.