Luka 8:25 - Chipangano Chabwangu

²⁵ Elo Yesu afumbile abakusambila bakwe ati, “Nga ichichetekelo chenu chili kwisa?” Nomba bo balishimbilwe nokuba nomwenso uukulu. Balifumbene bati, “Nga yu muntu aba shani uwakuti aeba ichipupu namatamba neshiwi bwaka, nokumumfwila fyamumfwila?”

Luka 8:25 ပူးပေါင်းရင်းမြစ်များ

Mateyo 14:31

Bwangu-bwangu Yesu alimwikete nokusosa kuli ye ati, “Webo we wachichetekelo chinini! Nindo wakayikila mumutima?”

Mateyo 17:20

Naye abebele ati, “Pantu ukuchetekela kwenu kunini. Nachine nkomweba ati, nga mwakwata ichichetekelo kubati kaluseke kamasitadi, kuti mwaeba ulupili ndu ati, ‘Telela nkulya!’ Nalo kuti lwatela, tekuti kube nangu chimo icho ichingamukanga.”[

Mateyo 6:30

Nomba Lesa nga alafwika mfi amaluba aamumpanga aaliko lelo, mailo aposwa mumulilo, napo mwebo tekuti amufwikepo ukwinenene? Mwe bachichetekelo ichinini!

Mateyo 8:10

Ulo Yesu aumfwile mfi, alishimbilwe nokusosa kuli bo abalikumukonka ati, “Nkomweba ichine nati, nshasangapo umuntu nangu umo mu Isilaeli uwachetekela nga ngu muntu.

Mateyo 8:26

Elo Yesu aabasukile ati, “Mwe bakuchetekela kunini! Mba nindo mwabela nomwenso?” Elo ayimakene nokukalipila ichipupu namatamba, nafyo fyalitalele chelele!

Maliko 4:35

Bwenka mbulya bushiku, kwatile ukuba ichungulo, Yesu asosele kubakusambila bakwe ati, “Katwabukile kwishilya lyaku bemba.”

Luka 12:28

Nomba nga Lesa alafwika mfi amaluba amumpanga aaliko lelo mailo aposwa mumulilo, napo mwebo tekuti amufwikepo ukwinenene? Mwe bachichetekelo ichinini!

Luka 8:24

Elo abakusambila bayile kuli Yesu nokumubusha bati, “Bashikulu, Bashikulu! Tuli apepi nokufwa!” Yesu alishibukile nokukalipila ichipupu namatamba. Fyonse fyalilekele, patalele chelele.

Luka 8:26

Yesu nabakusambila bakwe bayabukile kuchalo cha Gelasa nchilya kwishilya lyaku bemba wa Galili.

Yohane 11:40

Yesu amwasukile ati, “Napo nshikwebelepo kale ati wakubona ubuleme bwaku Lesa nga wanchetekela?”