Luka 8:24 - Chipangano Chabwangu

²⁴ Elo abakusambila bayile kuli Yesu nokumubusha bati, “Bashikulu, Bashikulu! Tuli apepi nokufwa!” Yesu alishibukile nokukalipila ichipupu namatamba. Fyonse fyalilekele, patalele chelele.

Luka 8:24 ပူးပေါင်းရင်းမြစ်များ

Mateyo 14:30

Nomba ulo abwene ichipupu ichikulu alitinine nokutatika ukwibila. Elo alilile ati, “Bashikulu ngafweni.”

Mateyo 8:25

Abakusambila balimubushishe mutulo bati, “Bashikulu, tupulusheniko twafwa!”

Maliko 4:39

Yesu alishibukile, nokukalipila ichipupu, aeba nabemba ati, “Talala, ikala chelele!” Elo ichipupu chalilekele, kwatalele chelele.

Luka 4:35

Yesu akalipile umupashi uubi ngulya ati, “Talala, fumamo muli ngu muntu!” Umupashi ngulya walimupamine panshi mulwalala. Penkapo walifuminemo ukwambula ukumuchena.

Luka 4:39

Yesu ayile kwimakana pambali yabulo bwamulwele, elo aebele ubulwele ukufumamo. Penkapo balipolele. Bwangu-bwangu batatikile nokubatebeta.

Luka 5:5

Simoni ayasukile ati, “Bashikulu, ubushiku bonse tulichulile, tatwipeyepo nangu kamo, kuntu pakuba mwasosa mwebo katuteye amasumbu.”

Luka 8:25

Elo Yesu afumbile abakusambila bakwe ati, “Nga ichichetekelo chenu chili kwisa?” Nomba bo balishimbilwe nokuba nomwenso uukulu. Balifumbene bati, “Nga yu muntu aba shani uwakuti aeba ichipupu namatamba neshiwi bwaka, nokumumfwila fyamumfwila?”