Luka 8:21 - Chipangano Chabwangu

²¹ Elo Yesu abasukile ati, “Bama nabawesu nimbalya abakoumfwa amashiwi aku Lesa nokuyasunga.”

Luka 8:21 ပူးပေါင်းရင်းမြစ်များ

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Mateyo 25:40

Elo Imfumu yakubasuka ati, ‘Nachine nkomweba ati, ulo mwayafwilishe umo uwakuli mba abali kubulilwa, ninebo mwayafwilishe.’

Mateyo 25:45

Naye akubasuka ati, ‘Nachine nkomweba ati, lonse ulo mutalikwafwilishako nangu mba abali kubulilwa, nachine ninebo mutalikwafwilishako.’

Mateyo 28:10

Epo Yesu abebele ati, “Mwitinapo iyowo, kamuya mukebe bawesu ukuti baye ku Galili, nkulya eko bakoya kumbwena.”

Luka 8:15

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Luka 8:20

Elo umuntu umo aebele Yesu ati, “Banyinenwe nabawenu bali panse bakofwaya ukumubona.”

Yohane 13:17

Nomba mwayishiba mfi, mukashuka nga mwakufichita.

Yohane 20:17

Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

2 Kolinto 5:16

Echo ukufuma nduno fwebo tatulangulukilapo ifya muntu uuli onse pamano ayabuntunse. Nangu akale twalikulanguluka ifyaku Klistu mumano yabuntunse, nomba nduno tatulangulukapo ifyaku ye munshila nji.

2 Kolinto 6:18

Nakuba Wishinwe, mwebo mwakuba abana banji abalalume nabanakashi, efyo basosa Bashikulu Abafiso fyonse.

Yemusi 1:22

Mwiyibepapo mwenka mukumfwa Amashiwi aku Lesa bwaka, kuntu chitenipo ifyo akososa.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

3 Yohane 1:11

We mutemwekwa, wilatentekapo ifibi, kuntu ifiweme. Onse uuchita ifiweme, ena mwana waku Lesa, kuntu ukochita ifibipile tamubonapo Lesa.