Luka 8:13 - Chipangano Chabwangu

¹³ Imbuto ishawile mulubwelekese, ebantu abomfwa amashiwi aku Lesa nokuyapokelela elo nokusekelela, nomba tayenjilisha mumitima yabo. Bakochetekela pakashita akanini bwaka. Ulo inshita yakwesheka yaisa balanakuka.

Luka 8:13 ပူးပေါင်းရင်းမြစ်များ

Maliko 6:20

Pantu Helodi alikutina Yohane Mubatishi, ukuti muntu uwapatulika nakambi uwakaele. Echo alikumusungila bwino-bwino. Lonse ulo Helodi alikumumfwa, chalikumupesha amano, kuntu alikutemwisha ukumfwa ifyo Yohane Mubatishi alikusosa.

Luka 8:12

Imbuto shawile munshila ebantu abakoumfwa amashiwi aku Lesa. Nomba Satana alesa nokufumyamo mumitima yabo ukuti bechetekelapo nokupuluka.

Luka 8:14

Imbuto shawile muminga, ebantu abomfwa amashiwi aku Lesa. Nomba amasakamiko nobusambashi namangalo aapanonshi, filabapulula, echo nefitwalo fyabo tafipyapo.

Yohane 15:2

Umusambo onse uutakotwalapo ifitwalo bakoutema nokuufumyako, nangulya uukotwala bakouwamya ukwebati ukatwale ifitwalo ifinji.

Yohane 15:6

Kati umuntu takoyikalililapo muli nebo, akoposwa kunse kubati musambo uwaputulwa, elo akuuma. Imisambo iili mfilya abantu balayilonganya pamo nokuyiposa mumulilo elo ilapya.

Yohane 5:35

Yohane ali kubati inyali iyakusanika nokubutisha. Echo mwebo mwalisekelele panshita iinini ukwikala mukusanika kwakwe.

1 Kolinto 13:2

Nangu ndi nechabupe ichakusambisha, nangu nalishiba ifyamubumfisolo fyonse, nokumfwikisha fyonse, nangu ningakwata ichichetekelo ichakusesha impili, nomba nga nshikwetepo ukutemwa, tanshipo kantu.

1 Kolinto 15:2

Lesa akumupulusha ukupitila mu Butumi Bwawama mbu kati mukosunga bwino amashiwi akwe kubati nimfilya namwebele. Achatali mfi, ukuchetekela kwenu nga kwali kwabwaka.

Galatiya 3:1

Mwe abena Galatiya bapuneme! Mba nibani abamulowele? Ulo twamusambishe ifyaku Yesu Klistu, twalondolwele bwino-bwino ifyo bamusamikile pamutashi.

Galatiya 3:4

Napo ishuko lyaku Lesa mwapokelele lyabwaka? Tefyopo iyowo.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

1 Tesalonika 3:5

Echo natumine Timoti kuli mwebo. Ulo nafililwe ukushipikisha, nalangulukile ukumutuma uko muli ukuti eshibe ifyo chaba ichichetekelo chenu. Natinine ukuti nangula Satana, kabepa, amubepele ukuti imilimo yesu yonse yakuba yabwaka.

1 Timoti 1:19

Wikatishe ichichetekelo chobe, ube nomutima wambula akalema. Abantu bambi tabomfwila kampingu wabo, elo baonaula ichichetekelo chabo.

Hebele 10:39

Fwebo tatuli abantu ababwelela panuma nokonaulwa, kuntu fwebo tuli abantu abachetekela abakupuluka.

Yemusi 2:26

Echo kubati mubili uwambula umupashi waba uwafwa, efyo nechichetekelo ichambula imilimo chili ichafwa.

2 Petulo 2:20

Kati abantu bapuluka kufyabipa ifyamuchalo mukwishiba Bashikulu no Mupulushi wesu Yesu Klistu, elo nakambi bayikatwa nokuwila mufibi, pakulekelesha bakuba ababipile ukuchilapo mfilya bali pakwamba.

2 Petulo 2:22

Ulo bachita mfi, bafikilisha insoselo imo iyakuti, “Imbwa ibwelela kumalushi ayiko.” Nayimbi ilya iisosa ati, “Inkumba iisambile ilabwelela nakambi mukwalangana mumatipa.”

1 Yohane 2:19

Mba bantu bali nafwebo kale, kuntu tabalipo bebumba lyesu. Ababa bamwibumba lyesu nga twayikele nabo. Lelo balifumine ukuti baboneke ati tabali bamwibumba lyesu.

Yuda 1:12

Mba bantu bali kubati fisemba fyafiko pakulya kwenu ukwachumfwano. Bakolya namwebo ukwambula insoni pakuti bakolama ifyabubi bwabo. Bali kubati makumbi aapintwa, elo tayaletapo nemfula. Nakambi bali kubati fiti ifitatwalapo ifitwalo panshita yafiko. Mba bantu balifwa kale.