Luka 7:47 - Chipangano Chabwangu

⁴⁷ Epo nkokweba ukuti pamulandu wakuti alintemenwe ukwinekantu, amabifyo akwe nangu apakile shani, anakililwa. Nomba umuntu uyo banakilila apanini, eukotemwa panini.”

Luka 7:47 ပူးပေါင်းရင်းမြစ်များ

Mateyo 10:37

“Umuntu uwatemwesha bawishi nangula banyina ukuchila nebo talingilepo ukuba umuntu wanji. Elo na uyo onse uwatemwesha umwana wakwe umwalalume nangula umwanakashi ukuchila nebo, talingilepo ukuba umuntu wanji.

Luka 7:39

Ulo Umufalisi uwayitile Yesu abwene mfi, alangulukile ati, “Ngu muntu nga aaba ati musoseshi, nga alishibile ifyo mwanakashi uukomukumya aba, nga ngu ayishiba ukuti nimbifi!”

Luka 7:46

Webo taunsubilepo umutwi wanji namafuta, kuntu ngu waasuba amakasa anji namafuta aabwema.

Luka 7:48

Yesu asosele kumwanakashi ngulya ati, “Amabifyo obe anakililwa.”

Imilimo ya batumwa 5:31

Nomba Lesa alimuchinshika nokumubika kukuboko kwakwe ukwamulyo. Amuchitile ukuba Intungulushi no Mupulushi ukuti abena Isilaeli balapile nokunakililwa kumabifyo abo.

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

2 Kolinto 5:14

Chitemweko chaku Klistu echikotutungulula. Pakuba tulachetekela ukwebati umo alitufwilile bonse, echo bonse balifwa.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Efeso 6:24

Lesa abakwatile ubwanshi bonse abatemwa Bashikulu wesu Yesu Klistu nokutemwa ukutashilapo.

Filipi 1:9

Nkolomba ukwebati ukutemwana kwenu kulokukulilako bonse ukuchila, mukwishiba elo namukumfwisha ifintu ukufikapo.

1 Timoti 1:14

Echo ubwanshi bwaku Bashikulu ubwinji bwalishile pali nebo. Alimpele ichichetekelo nokutemwa ifyo tukwete ukupitila muli Klistu Yesu.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.

1 Yohane 3:18

Mwe bana banji, ukutemwa kwesu takufwilepo ukuba bwaka pakanwa. Tufwile ukulanga ukutemwa kwesu munchito shesu.

1 Yohane 4:19

Twalitemwa pakuti Lesa ewatatikile ukututemwa.

1 Yohane 5:3

Pakuti ukutemwa Lesa kulama amafunde akwe, namafunde akwe tayakoselepo iyowo.