Luka 7:38 - Chipangano Chabwangu

³⁸ Alishile nokwimakana kunuma yaku Yesu kumakasa, akolila nokuponya iminsoshi pamakasa aku Yesu. Elo nokuasumuna nemishishi yakwe. Nakambi alifyomfyontele amakasa aku Yesu nokuasuba namafuta.

Luka 7:38 ပူးပေါင်းရင်းမြစ်များ

Mateyo 5:4

“Balishuka bo abakolosha, pakuti Lesa akubashinshinta.

Luka 22:62

Elo Petulo afumine panse nokulila ukwinekantu.

Luka 6:21

“Mwalishuka mwebo mwe bakoumfwa insala nomba, pakuti mwakwisa kwikuta! “Mwalishuka mwebo mwe bakolosha nduno, pakuti mwakwisa kuseka!

Luka 7:37

Muli ngulya mushi mwalipo umwanakashi umo uwali mbifi, umuchende. Ulo aumfwile ukuti Yesu alimukulya munanda ya Mufalisi, ayishile nomusashi wamafuta aanunkila bwino.

Luka 7:39

Ulo Umufalisi uwayitile Yesu abwene mfi, alangulukile ati, “Ngu muntu nga aaba ati musoseshi, nga alishibile ifyo mwanakashi uukomukumya aba, nga ngu ayishiba ukuti nimbifi!”

Yohane 11:2

Ngu Maliya engulya uwayitulwile amafuta anunkila pamakasa aaku Bashikulu nokusumuna nemishishi yakwe. Ndume yakwe Lasalo alilwele.)

Yemusi 4:9

Umfweni ichikonko ichabulanda, mwikale nkumba-bulili nokulila. Ukuseka kwenu nako kwaluke ukulila, ukusangalala kwenu kwaluke ubulanda.