Luka 7:37 - Chipangano Chabwangu

³⁷ Muli ngulya mushi mwalipo umwanakashi umo uwali mbifi, umuchende. Ulo aumfwile ukuti Yesu alimukulya munanda ya Mufalisi, ayishile nomusashi wamafuta aanunkila bwino.

Luka 7:37 ပူးပေါင်းရင်းမြစ်များ

Mateyo 21:31

Nomba ninani pali mba bana uwachitile ifyalikufwaya wishi?” Nabo bayasukile ati, “Wakwamba.” Yesu epakubeba ati, “Nachine nkomweba ati, abamisonko nabachende bakumutanjilila pakwinjila mubufumu bwaku Lesa.

Luka 18:13

“Nomba uwamusonko alimakanine ukutali, tafwayilepo nokwinusha ichinso chakwe kumulu, lelo ayinamine nokupama pachifuba chakwe nokuti, ‘Mwe Lesa, nkwatilenipo inkumbu nembifi!’

Luka 19:7

Ulo abantu bamubwene, batatikile ukuyilishanya bati, “Ngu muntu ayinjila munanda nokwikala pamo nembifi!”

Luka 5:30

Bambi Abafalisi nabasambishi ba Mafunde baliyilishenye kubakusambila bakwe ati, “Mba nindo mukolila nokunwena pamo nabakasonkesha nembifi?”

Luka 5:32

Tanshayisapo mukwita abaololoka imitima, sembi imbifi ukuti shilapile kumabifyo ashiko.”

Luka 7:34

Elo Umwana wa Muntu alishile, alikulya nokunwa. Mwebo mwasosele ati, ‘Boneni ngu muntu! Wakumutoba, nichakolwa, nakambi nichibusa wabamisonko nembifi.’

Luka 7:36

Umufalisi umo ayitile Yesu mukulya nakwe. Yesu alinjile munanda nokwikala nokulya pamo nakwe.

Yohane 11:2

Ngu Maliya engulya uwayitulwile amafuta anunkila pamakasa aaku Bashikulu nokusumuna nemishishi yakwe. Ndume yakwe Lasalo alilwele.)

Yohane 9:24

Inshita iyachibili bayitile ngulya muntu uwafyelwe impofu nokuti kuli ye, “Laya kuli Lesa ukuti webo ukososa ukwebesha! Fwebo tulishibile ukuti ngu muntu uukuposeshe nimbifi.”

Yohane 9:31

Twalishiba ukuti Lesa tomfwapo mbifi, kuntu omfwa abantu abamuchinshika nokuchita ifyo afwaya.

Loma 5:8

Nomba Lesa alitulanga ifyo atutemwa ichakuti ulo twali mbifi Klistu atufwilile.

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.

1 Timoti 1:9

Tulingile ukwibukisha ukuti amafunde taapangilwa pabantu abaololoka, kuntu bampula-mafunde, notupondo, abatachetekelapo Lesa, imbifi, abatalombapo, abepaya bawishibo nabanyinabo, elo nabantu bambi.

1 Petulo 4:18

Amalembo asosa ati, “Nga chakuti abalungama bakupuluka mukuchuchutika, mba kumbifi ishitomfwilapo ifyaku Lesa chakuba shani?”