Luka 7:21 - Chipangano Chabwangu

²¹ Panshita yenka njilya, Yesu alikuposeshe abantu abenji kumalwele nakumyalu nambalya abali nemipashi iibi, nempofu nasho shalikubona.

Luka 7:21 ပူးပေါင်းရင်းမြစ်များ

Mateyo 4:23

Yesu alikwenda-enda muchalo cha Galili, ukusambisha mumananda aakulombelamo Lesa, nokubilisha Ubutumi Bwawama ubwa Bufumu, nokuposha abantu abali namalwele aapusene-pusene nabanakile imibili.

Mateyo 4:24

Ululumbi lwakwe lwalitulikile muchalo chonse icha Siliya. Elo abantu batwite kuli Yesu bonse abalikulwala amalwele aapusene-pusene, abayiketwe imipashi iibi, abachinkoni-nkoni, nababulebe, bonse kabaposha.

Maliko 3:10

Nomba pamulandu wakuti aposeshe abantu abenji, echo bonse abali namalwele balimufininkishe ukuti bamukumye nokupola.

Maliko 5:29

Alikumyako kwilaya bwangu-bwangu nomukunko waleka, aumfwa nomubili waleka ubukali.

Maliko 5:34

Elo Yesu asosele kuli ye ati, “We mwana wanji ichichetekelo chobe chakuposha. Endelapo umutende, wikale we wapola kubulwele bobe.”

Luka 7:20

Ulo abakusambila bafikile kuli Yesu, basosele ati, “Yohane Mubatishi atutuma kuli webo akofumba ati, ‘Napo niwe basosa ukuti alinokwisa, nangula tuli nokulindilila umbi?’”

Hebele 12:6

Pakuti Bashikulu balapuma umwana onse batemwa, elo balalungamika onse bapokelela nga umwana.”