Luka 7:16 - Chipangano Chabwangu

¹⁶ Elo abantu bonse balishimbilwe ukwinekantu. Epo batatikile ukuchinshika Lesa nokusosa ati, “Umusoseshi umukulu ayisa mukutandalila abantu bakwe!” Nakambi, “Lesa ayisa mukupulusha abantu bakwe.”

Luka 7:16 ပူးပေါင်းရင်းမြစ်များ

Mateyo 15:31

Nomba abantu bonse balishimbilwe ukwinekantu ulo babwene bachibulu bakososa, abalemene bakoyenda nempofu shikobona. Elo namabumba atatikile ukutondayisha Lesa waba Isilaeli.

Mateyo 21:11

Amabumba akonkele Yesu ayasukile ati, “Ngu ni Yesu, musoseshi ngulya waku Nasaleti, umushi wamuchalo cha Galili.”

Mateyo 28:8

Bwangu-bwangu, abanakashi mbalya balifumineko kumanda. Nangu bali nomwenso, nomba balisekelele ukwinekantu! Bayile ulo babutuka ulubilo mukweba abakusambila bakwe.

Mateyo 9:8

Ulo abantu babwene mfi, balitinine. Elo bachinshikile Lesa uwapela abantu insambu ishili nga mfi.

Luka 1:65

Abena mupalamano bonse bayiwile nomwenso, nelyashi lyamfi fintu lyapalangene muchalo chonse champili icha Yudeya.

Luka 1:68

“Kabatotwe Bashikulu, Lesa waku Isilaeli! Pakuti ayisa kwafwilisha abantu bakwe, elo abapela ubwanalale.

Luka 19:44

Bakwisa kutobaula umusumba nokwipaya abantu bobe. Tabayise kushapo ibwe nangu limo pamulu walinakwe, pakuba tawayishibilepo inshita iyo Lesa ayishile mukukupulusha!”

Luka 2:20

Ulo bachembela babwelele, balikuchinshika nokwimbila Lesa pali fyonse ifyo baumfwile nokubona. Fyali kubati mwenka umo umungelo abebele.

Luka 24:19

Yesu alibafumbile ati, “Fintu ndo?” Elo bayasukile ati, “Ifyo achitile nokusosa ayilangile ukwebati ali umusoseshi uwafiso, elo asekeshe Lesa nabantu bonse.

Luka 5:26

Elo abantu bonse bayiketwe mwenso uukulu, bachinshika Lesa nokusosa bati, “Lelo twabona ifyakushimbwisha.”

Luka 5:8

Simoni Petulo pakubona ichachitikile, afukeme pamakasa aku Yesu nokulabila ati, “Bashikulu, fumeniko kuli nebo pantu ndi mbifi!”

Luka 7:15

Bwangu-bwangu uwafwile alibukile nokwamba ukusosa. Bashikulu bamupele nakuli banyina.

Luka 7:39

Ulo Umufalisi uwayitile Yesu abwene mfi, alangulukile ati, “Ngu muntu nga aaba ati musoseshi, nga alishibile ifyo mwanakashi uukomukumya aba, nga ngu ayishiba ukuti nimbifi!”

Luka 8:37

Abantu bonse abamuchalo cha Gelasa, balombele Yesu ukuti abafuminemo muchalo chabo pamulandu wakuti bali nomwenso uukulu. Elo Yesu ayinjile mubwato nokubwelela uko afumine.

Luka 9:19

Nabo balimwasukile ati, “Bambi basosa ati niwe Yohane Mubatishi, bambi bati niwe Eliya, elo bambi nabo basosa ati uli umo uwabasoseshi abakale eubukile ukufuma kubafwa.”

Yohane 1:21

Bamufumbile ati. “Mba niwe nani? Napo niwe Eliya?” Yohane ayasukile ati, “Iyowo, tenepo.” Bamufumbile ati, “Napo niwe umusoseshi?” Ayasukile ati, “Iyowo.”

Yohane 1:25

Elo bafumbile Yohane Mubatishi ati, “Kati tewepo Uwasubwa uwaku Lesa nangula Eliya nangula umusoseshi, mba nindo ubatishisha?”

Yohane 4:19

Umwanakashi asosele ati, “We mfumu, nayishiba ukuti uli musoseshi.

Yohane 6:14

Pakubona ichafiso ifikulu icho Yesu achitile, abantu basosele ati, “Nachine ngu emusoseshi uwali nokwisa muno chalo.”

Yohane 9:17

Abafalisi balimufumbile ngulya muntu nakambi ati, “Nga nomba webo ukotipo shani pali ngu muntu?” Naye alyasukile ati, “Musoseshi.”

Imilimo ya batumwa 5:5

Ananiyasi pakumfwa nga mashiwi, awile panshi nokufwa kafwa. Nabantu bonse abaumfwileko bayiketwe nomwenso uukulu.

Imilimo ya batumwa 7:37

Engu enka uwaebele abena Isilaeli ati, ‘Lesa akwimya umo muli mwebo ukuba umusoseshi kubati ninebo.’

Galatiya 1:24

Elo balichinshikile Lesa pamulandu waku nebo.