Luka 6:6 - Chipangano Chabwangu

⁶ Nakambi pe Sabata limbi Yesu ayinjile munanda yakulombelamo Lesa ya Bayuda nokusambisha abantu. Mwenka mulya mwali umwalalume umo uwali nokuboko kwamulyo ukwauminina.

Luka 6:6 ပူးပေါင်းရင်းမြစ်များ

Mateyo 4:23

Yesu alikwenda-enda muchalo cha Galili, ukusambisha mumananda aakulombelamo Lesa, nokubilisha Ubutumi Bwawama ubwa Bufumu, nokuposha abantu abali namalwele aapusene-pusene nabanakile imibili.

Luka 13:10

Pakasuba kamo ke Sabata, Yesu alikusambisha munanda yakulombelamo Lesa.

Luka 14:3

Yesu afumbile abasambishi ba Mafunde na Bafalisi ati, “Napo ifunde lyesu lyalisuminisha ukuposha pe Sabata nangula iyowo?”

Luka 4:16

Yesu ayile ku Nasaleti, uko akulile. Elo pakasuba ke Sabata ayinjile munanda yakulombelamo Lesa, ukubati kafuto kakwe. Alimine ukuti apende ifyamumalembo.

Luka 4:31

Ulo Yesu ayile ku Kapenaumu, umushi wamu muchalo cha Galili, alikusambisha abantu pe Sabata.

Luka 6:1

Pakasuba ke Sabata, Yesu akalangenye mumabala aku tiligu. Abakusambila bakwe batatikile ukuputaula imisonte yaku tiligu, bakofikisa muminwe yabo nokulyako inseke.

Luka 6:5

Na Yesu alekelesheko nokubeba ati, “Pakuti Umwana wa Muntu Eshikulu nape Sabata.”

Yohane 5:3

Munsaka imo emwali kulala abalwele abenji, abalinga impofu, abalemana nabafungauka amaboko namolu. [Mba bonse bali kulindilila ukufundaulwa kwamenshi muchishiba.

Yohane 9:16

Bambi abamu Bafalisi basosele ati, “Umuntu ngu uukochita mfi tafumapo kuli Lesa iyowo, pantu tasungapo Amafunde akasuba ke Sabata.” Nomba bambi nabo basosele ati, “Mba umuntu imbifi kuti achita shani imilimo iyafiso ifikulu nga nji?” Elo mwali ukulekana mukati kabo.