Luka 6:49 - Chipangano Chabwangu

⁴⁹ Nomba onse uumfwa amashiwi anji nokutaachita, ali kubati muntu uwayimeke inanda yakwe pamusenga apatali umufula. Ulo imfula yalokele, ichama munika chalishile nokupuma pali njilya nanda, nayo kayikunta panshi na tuyuu!”

Luka 6:49 ပူးပေါင်းရင်းမြစ်များ

Mateyo 23:3

Kanshi fyonse ifyo bakomweba mulokufichita. Nomba mulokupashanyapo imichitile yabo pantu tabakonkapo ifyo basambisha iyowo.

Mateyo 24:10

Munshita nji abantu abenji bakusula ubuchetekelo bwabo. Bakwisa kwebushanya nokupatana.

Maliko 4:17

Nomba amashiwi nga tayenjilisha mumitima yabo, yayikalamo lukoso inshita iinini. Ulo kwayisa ubuchushi nomwalu, pamulandu wamashiwi aku Lesa, bwangu-bwangu baleka ukumfwa amashiwi nga.

Luka 12:47

“Umupyungi ngulya uwayishiba ifyo shikulu wakwe afwaya ukuti achite, kuntu umwine enka tayiteyanya ukuchita ifyo wishikulu afwaya, bakwisa kumupela umulandu nokumupama ifikoti.

Luka 19:14

Nomba abekashi balimupatile. Elo batumine intumi uko ayile ati, ‘Tatukofwayapo ngu muntu ukuti abe mfumu yesu.’

Luka 19:27

Nomba kuli ntulya utupondo twanji, ututalikumfwayapo ukuti mbe mfumu yatuko, tuleteni nkuno ukuti mutwipayile pamenso anji.’”

Luka 6:46

“Nindo mukonjitila mwati, ‘Bashikulu, Bashikulu,’ ukwambula ukuchita ifyo nkososa?

Luka 6:48

Ali kubati muntu uwaimeke inanda yakwe, kayimbisha umufula nokufisha pachipalabwe. Imfula yalilokele nokupuma pali njilya nanda, kuntu tayasunkenepo neli panini pakuba yalimekwe bwino.

Luka 7:1

Ulo Yesu ashilile ukusambisha abantu amashiwi akwe onse, ayinjile mu Kapenaumu.

Yohane 15:2

Umusambo onse uutakotwalapo ifitwalo bakoutema nokuufumyako, nangulya uukotwala bakouwamya ukwebati ukatwale ifitwalo ifinji.

Imilimo ya batumwa 20:29

Ukuba ndishibile ukwebati nga naya, imimbulu iikali yakumwinjilila nokutapa umukuni waku Klistu.

Imilimo ya batumwa 26:11

Elo panshita ishinji nalikubachusha ukwinekantu mumananda aku Lesa, nokubakakatisha ukuti bapose ichichetekelo chabo. Nali umukali pali ngu mulandu. Nalikwenda namumishi iimbi yamufyalo ifipusene mukubachusha.

1 Tesalonika 3:5

Echo natumine Timoti kuli mwebo. Ulo nafililwe ukushipikisha, nalangulukile ukumutuma uko muli ukuti eshibe ifyo chaba ichichetekelo chenu. Natinine ukuti nangula Satana, kabepa, amubepele ukuti imilimo yesu yonse yakuba yabwaka.

2 Petulo 2:20

Kati abantu bapuluka kufyabipa ifyamuchalo mukwishiba Bashikulu no Mupulushi wesu Yesu Klistu, elo nakambi bayikatwa nokuwila mufibi, pakulekelesha bakuba ababipile ukuchilapo mfilya bali pakwamba.

1 Yohane 2:19

Mba bantu bali nafwebo kale, kuntu tabalipo bebumba lyesu. Ababa bamwibumba lyesu nga twayikele nabo. Lelo balifumine ukuti baboneke ati tabali bamwibumba lyesu.