Luka 6:48 - Chipangano Chabwangu

⁴⁸ Ali kubati muntu uwaimeke inanda yakwe, kayimbisha umufula nokufisha pachipalabwe. Imfula yalilokele nokupuma pali njilya nanda, kuntu tayasunkenepo neli panini pakuba yalimekwe bwino.

Luka 6:48 ပူးပေါင်းရင်းမြစ်များ

Luka 6:47

Umuntu onse uukoyisa kuli nebo nokumfwa amashiwi anji nokuachita, kamulange mwebo uwo apalene naye.

Luka 6:49

Nomba onse uumfwa amashiwi anji nokutaachita, ali kubati muntu uwayimeke inanda yakwe pamusenga apatali umufula. Ulo imfula yalokele, ichama munika chalishile nokupuma pali njilya nanda, nayo kayikunta panshi na tuyuu!”

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Efeso 2:20

Mwalimakwa pamufula uwapangilwe kubatumwa nabasoseshi. Elo Klistu Yesu umwine ebwe lyapachimfuntu.

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

2 Petulo 1:10

Echo mwe bawesu, chinchileni ukuchilapo ukushininkisha ukwebati Lesa alimwita nakambi alimusala. Nga mwachita mfi, tekuti muwepo iyowo.

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.