Luka 6:47 - Chipangano Chabwangu

⁴⁷ Umuntu onse uukoyisa kuli nebo nokumfwa amashiwi anji nokuachita, kamulange mwebo uwo apalene naye.

Luka 6:47 ပူးပေါင်းရင်းမြစ်များ

Mateyo 12:50

Pakuti umuntu uuli onse uuchita ififwaya Bata bakumulu, ewesu, enkashi nakambi ebama.”

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Luka 11:28

Nomba Yesu alimwasukile ati, “Ina, ukuchilapo abashuka nimbalya abakoumfwa amashiwi aku Lesa nokuasunga!”

Luka 14:26

“Onse uwakwisa kuli nebo tekuti abe uwakusambila wanji, kuntu antemwe ukuchila bawishi nabanyina, abakashi nabana bakwe, bawakwe nabankashi shakwe, nangula ubumi bwakwe.

Luka 6:48

Ali kubati muntu uwaimeke inanda yakwe, kayimbisha umufula nokufisha pachipalabwe. Imfula yalilokele nokupuma pali njilya nanda, kuntu tayasunkenepo neli panini pakuba yalimekwe bwino.

Luka 8:13

Imbuto ishawile mulubwelekese, ebantu abomfwa amashiwi aku Lesa nokuyapokelela elo nokusekelela, nomba tayenjilisha mumitima yabo. Bakochetekela pakashita akanini bwaka. Ulo inshita yakwesheka yaisa balanakuka.

Luka 8:8

Nomba shimbi mbuto shawile pamushili uuweme, shalimenene nokutwala nefitwalo umwanda umo.” Pakulekelesha Yesu asosele ati, “Umfweni, ukwete amatwi akumfwa, omfwe!”

Yohane 10:27

Mbelele shanji shilomfwa ishiwi lyanji, nandibo nalishishiba, nasho shilankonka.

Yohane 13:17

Nomba mwayishiba mfi, mukashuka nga mwakufichita.

Yohane 14:15

“Nga mwalintemwa mwakulama amafunde anji.

Yohane 5:40

Elo tamufwayapo ukwisa kuli nebo ukuti mube nobumi butashilapo.

Yohane 6:35

Yesu alibebele ati, “Nine mufuba uupela ubumi. Muntu onse uwisa kuli ne tayise kumfwapo insala iyowo, nangulya onse uwakunchetekela tayise kumfwapo ichilaka nakambi.

Yohane 6:37

Bonse abo Bata bampela balesa kuli nebo. Onse uwisa kuli ne tanshimutamfyapo iyowo.

Yohane 8:52

Abantu bamusoseshe ati, “Nomba twayishiba nachine ukuti alikwete umupashi uubi. Pantu Abulahamu alifwa, nabasoseshi balifwa, kuntu webo ukoeba ati uyo muntu uwakumfwa ukusambisha kobe takafwepo.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

Yemusi 4:17

Echo umuntu onse uwishibile ifyo alingile ukuchita, elo tafichitapo, alabifya.

1 Petulo 2:4

Nomba iseni kuli Ye uuli libwe lyabumi ilyo abantu bakene, kuntu Lesa alisalile nokulichinshika.

2 Petulo 1:10

Echo mwe bawesu, chinchileni ukuchilapo ukushininkisha ukwebati Lesa alimwita nakambi alimusala. Nga mwachita mfi, tekuti muwepo iyowo.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

1 Yohane 3:7

Mwileka umuntu amubepe bana banji. Umuntu onse uuchita ifyaololoka aaba uwaololoka kubati ni Klistu.

Ukufisulula 22:14

Abashuka nimbalya abasamfya imikanjo yabo ukuti basuminishiwe ukulyako ifitwalo fyaku chiti ichipela ubumi nokwinjila mumilyango yamusumba.