Luka 6:45 - Chipangano Chabwangu

⁴⁵ Umuntu uuweme afumya mfilya ifyabuboni ifiweme ifili mumutima wakwe. Nomba umubi ye afumya mfilya ifibi ifyayiula mumutima wakwe. Pakuti umuntu asosa ifintu ifili mukati mumutima wakwe.

Luka 6:45 ပူးပေါင်းရင်းမြစ်များ

Yohane 7:38

Kubati nimulya Amalembo Apatulika asosele ati, ‘Uyo onse uwakuchetekela muli nebo, inika yamenshi aabumi yakukunka ukufuma muli ye.’”

Imilimo ya batumwa 5:3

Elo Petulo alimufumbile ati, “Webo Ananiyasi, chindo icho Satana akutunkile mumutima obe ukubepa Umupashi Wabuta pakufisapo indalama shimbi isho wasangile mwibala lyobe?

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Efeso 4:29

Mukanwa kenu mwilafumapo amashiwi aali onse aabi, kuntu musose amashiwi aaweme afwilisha ukuti bonse abayomfwa bapindulemo akantu.

Efeso 5:19

Musoshanye namashiwi aamalumbo, nenyimbo shaku Lesa, neshakutondayisha Lesa. Mwimbile Bashikulu mukutondayisha nomutima onse.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

Kolose 4:6

Ukusosa kwenu kube ukuweme inshita shonse ishakusekelesha abantu, nakambi mulingile ukwishiba ukwasuka muntu bwino.

Hebele 8:10

Nomba ichipangano nakupanga nomutundu waba Isilaeli ninchi, efyo asosa Shikulu Lesa, Nakubika amafunde anji mumitima yabo, nakuyalemba mumitima yabo. Nakuba Lesa wabo, nabo bakuba bantu banji.

Yuda 1:15

Akwisa kupingula nokubachinka panshi bonse abatomfwila Lesa pamulandu wabubi bonse ubo bachitile. Akwisa kubachinka panshi napamashiwi onse amisula awo imbifi shalikusalula Lesa.”