Luka 6:30 - Chipangano Chabwangu

³⁰ Umuntu onse uukokulomba akantu umupele, nowakupoka ubusambashi bobe, wimupindapo ukuti akubweseshe.

Luka 6:30 ပူးပေါင်းရင်းမြစ်များ

Mateyo 18:35

“Efyo namwe bakumuchitila Bata abakumulu nga tamukonakililapo wenu nomutima onse.”

Mateyo 5:39

Nomba nebo nkomweba ati, mwilokubweseshapo ububi pabubi.

Mateyo 6:12

Mutunakilileko amabifyo yesu, kubati nimfilya tunakilila bonse abatubifisha.

Luka 11:41

Nomba peleni ifili munkombo namumbale kubachula, epo nefintu fyonse fyakuba ifiweme kuli mwe.

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 18:22

Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Luka 6:29

Kati muntu akupama palutobo lumo, umwalwile nokulunakwe. Nangulya uwapoka ilaya lyobe, umupelele kumo nomwinjila obe.

Luka 6:31

Ifyo mukofwaya abantu ukumuchitila, efyo namwebo mubachitile.

Luka 6:38

Peleni kubanenu ifyo babulilwa, namwe Lesa akwisa kumupela ifinji. Nachine namwe mwakwisa kupokelela umulingo uwayiwula, uwashindayikwa nokusempauka. Pakuti umulingo uwo mukolingilako bambi, ewo namwe Lesa akumulingilako.”

Imilimo ya batumwa 20:35

Nalimulangilila muli fyonse ukuti mukupyungisha nefiso tufwile ukwafwa bo abatakwetepo ifiso. Ulo tulechita mfi, tufwile kwibukisha amashiwi aku Bashikulu Yesu uwasosele umwine ati, ‘Mukupela emwaba ishuko ukuchila mukupokelela.’”

2 Kolinto 8:9

Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

Efeso 4:28

Umung’o aleke ukwiba, kuntu abomfye amaboko akwe mumilimo iiweme ukwebati angapelako abatakwetepo.