Luka 6:28 - Chipangano Chabwangu

²⁸ Bashukisheni abakomuchitila inkasa. Nakambi balombeleni bo abakomuchusha.

Luka 6:28 ပူးပေါင်းရင်းမြစ်များ

Mateyo 5:44

Nomba nkomweba ati, temweni abalwani benu nokubalombelako abakomuchusha.

Luka 23:34

Yesu asosele ati, “Bata, banakilileni pantu tabeshibilepo icho bakochita.” Elo bayakene amalaya yakwe mukuchita bumwine-mano.

Luka 6:27

“Nomba nkomweba ati, mwebo mwe bakoumfwa nati temweni abalwani benu, nokubachitila ubune abo abakomupata.

Luka 6:35

Ala! Mulokutemwa abalwani benu nokubachitila ubune, bakongwesheni nokusulako. Mwakwisakupokelela ichilambu chenu ichikulu. Mwakwisa kuba abana baku Lesa uwapulamo pakuti Ye ali uuweme kuli abo abatatotapo nakubabi.

Imilimo ya batumwa 14:5

Penkapo, abenafyalo pamo na Bayuda nabatanjishi babo baumfwene ukuti bachushe abatumwa nokubatobaula amabwe.

Imilimo ya batumwa 7:60

Nakambi alifukeme nokwaula neshiwi ilikulu ati, “Bashikulu, mwibapela umulandu pabubi mbu bakochita!” Ulo asosele mfi, alifwile.

Loma 12:14

Lombeni kuli Lesa ukuti ashukishe abo abakomuchusha. Ina, muchite mfi mwilokubalapishapo iyowo.

1 Kolinto 4:12

Tulapyunga imilimo namaboko esu. Ulo bantu batulapisha, fwebo tulabalombela kuli Lesa ukuti abashukishe. Ulo batuchusha, fwebo tulashipikisha.

Yemusi 3:10

Amashiwi akutotela namashiwi akutipwila afuma mukanwa kamo kenka. Bawesu, mfi tafilingilepo ukuchitika iyowo.

1 Petulo 3:9

Mwibweleshapo ububi pabubi bunakwe, nangula amatuka pamatuka. Nomba mwebo mubashukishe pakuba efyo Lesa amwitile mubwikashi mbu ukwebati mupokelele ukushukisha kwakwe.