Luka 5:8 - Chipangano Chabwangu

⁸ Simoni Petulo pakubona ichachitikile, afukeme pamakasa aku Yesu nokulabila ati, “Bashikulu, fumeniko kuli nebo pantu ndi mbifi!”

Luka 5:8 ပူးပေါင်းရင်းမြစ်များ

Mateyo 17:6

Ulo abakusambila baumfwile ishiwi, balitinine ukwinekantu nokuwila panshi ubwifuneme.

Mateyo 2:11

Ulo bayinjile munanda, balibwene umwana pamo nabanyina. Elo bafukeme nokumulambila, bayisula umwali ifyabusambashi bwabo nokumupela golide, ulubani namafuta aanunkila bwino akoyitwa mule.

Mateyo 8:8

Nomba umukulu wabashilikali ngulya ayasukile ati, “Iyowo, Bashikulu, nshilingilepo ukwebati mwise mwinjile munanda yanji. Soseni ishiwi bwaka, umubomfi wanji akopola.

Luka 5:7

Epo bachebwile abanabo abali mubwato bumbi ukwisa kubafwako. Balishile nokwiusha amato onse abili nenswi ichakuti namato alikufwaya ukwibila.

Luka 5:9

Simoni nabanakwe ali nabo balishimbilwe pabwinji bwanswi bayipeye.

Yohane 11:32

Ulo Maliya afikile kuchifulo ukwali Yesu, ulo amubwene, bwangu-bwangu awile pamakasa akwe nokusosa ati, “Bashikulu, nga mwali nkuno indume yanji nga tayafwilepo iyowo.”

1 Kolinto 13:12

Nomba nkobona ifintu kubati chinshingwa muchilola. Elo pali njilya nshita twakubonana amenso namenso. Nduno ndishibile panini, kuntu pali njilya nshita nakwishiba ukufikapo, kubati nimfilya banjishiba ukufikapo.

Ukufisulula 1:17

Ulo namubwene naliwile pamakasa akwe kubati muntu ufwile. Nomba abikile ukuboko kwakwe ukwamulyo pali nebo nokuti, “Witina! Nine wakutatika nowakupelako.