Luka 5:32 - Chipangano Chabwangu

³² Tanshayisapo mukwita abaololoka imitima, sembi imbifi ukuti shilapile kumabifyo ashiko.”

Luka 5:32 ပူးပေါင်းရင်းမြစ်များ

Mateyo 18:10

“Chenjeleni ukuti mwisulapo umo uwabana mba abanini. Nachine nkomweba ati, abangelo babo abakumulu baba pantanshi yaku Bata abali kumulu inshita shonse. [

Mateyo 9:13

Kamuya mukasambilile ifyo asosa Amalembo aku Lesa ati, ‘Nkofwaya ichisa, te chipupopo chanama iyowo.’ Tanshayisapo mukwita abaololoka imitima, sembi imbifi.”

Maliko 15:10

Umulandu abafumbile mfi, nipakuti alishibile ukuti nipamulandu wamufimbila epo intungulushi shabachipupila shatwalile Yesu kuli ye.

Maliko 15:7

Panshita yenka njilya, muchifungo mwalipo umuntu umo uwalikwitwa Balabasi pamo nabambi pamulandu wakwalukila ubuteko nokwipaya abantu.

Maliko 2:17

Ulo Yesu aumfwile, asosele nabo ati, “Abakosele tabafwayapo ing’anga iyowo, kuntu abalwele. Tanshayisapo mukwita abaololoka, sembi imbifi.”

Luka 15:10

Munshila imo yenka nkomweba ati, abangelo baku Lesa bakuba nokusekelela pambifi imo yenka iyalapila!”

Luka 15:7

Munshila imo yenka, nkomweba mwe ati, kwakuba ukusekelela ukukulu mumulu pambifi imo iyalapila ukuchila abalungamikwa kale amakumi asano na ane nabantu basano na bane abatafwayapo kulapila.

Luka 19:10

Pakuti Umwana wa Muntu ayishile mukufwaya nokupulusha abaluba.”

Luka 24:47

Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.

Luka 5:31

Elo Yesu abasukile ati, “Abakosele tabafwayapo ing’anga iyowo, kuntu abalwele.

Luka 5:33

Abantu bambi basosele kuli Yesu ati, “Abakusambila bakwa Yohane balayikanya ukulya libili-libili nakambi balalomba, abakusambila baba Falisi nabo efyo bachita, nomba abakusambila benu balalya nokunwa.”

Imilimo ya batumwa 17:30

Ukuba Lesa alisulako kufintu abantu balikuchita panshita iyo batamwishibilepo, kuntu nomba akofwaya abantu mpanga yonse ukuti balapile.

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Imilimo ya batumwa 20:21

Nalikukonkobesha Abayuda nabenafyalo ukuti balapile nokwalukila kuli Lesa ukuti bachetekele muli Bashikulu Yesu.

Imilimo ya batumwa 3:19

Kanshi nomba lapileni, mwalukile kuli Lesa ukuti afute amabifyo enu. Elo Lesa akumupa ifiso fyabwangu inshita nenshita.

Imilimo ya batumwa 3:26

Mfi nomba Lesa abushishe Umupyungi wakwe, amutumine kuli mwebo ukuti amushukishe ukupitila mukwalula onse muli mwebo ukufuma kumabifyo akwe.”

Imilimo ya batumwa 5:31

Nomba Lesa alimuchinshika nokumubika kukuboko kwakwe ukwamulyo. Amuchitile ukuba Intungulushi no Mupulushi ukuti abena Isilaeli balapile nokunakililwa kumabifyo abo.

2 Petulo 3:9

Tekwebati Bashikulu bakoshinga-shinga pakufikilisha ubulayo bwabo, kubati nimfilya bambi balanguluka, kuntu bakoteka umutima. Tabafwayapo ukuti umo aonayike, kuntu ukuti bonse balapile.