Luka 4:18 - Chipangano Chabwangu

¹⁸ “Umupashi waku Lesa uli pali nebo, pakuti alinsuba ukuti nkabilishe, Ubutumi Bwawama kubachula. Alintumine ukubile imbila iyakuti bakakulwe abakakwa, nakambi nempofu ukuti shibone, nokulubula bo abasulwa.

Luka 4:18 ပူးပေါင်းရင်းမြစ်များ

Mateyo 11:5

impofu shikobona, abalemana bakoyenda, abafyona bakopola, bankoma-matwi bakoumfwa, abafwa nabo bakobuka, nabachula bakoshimikilwa Ubutumi Bwawama.

Mateyo 12:18

“Ngu emubomfi wanji uwo nasala uwo natemwesha. Elo muli ye ndasekelela. Nakumupela Umupashi wanji, elo naye akubilisha ifyabupingushi bwanji kunko shonse.

Mateyo 12:20

Takashilishepo itete ilyafwantika, nangu ukushimya inyali iitakoyakishapo. Alikumfwila abantu inkumbu, ukufika ubulungami bwakwe bukachimfye.

Mateyo 4:16

Abantu abayikala mumfishi bakobona ukusanika ukukulu! Bo abayikala muchalo chamfinshi iyamfwa, ukusanika kwakubatulila.”

Mateyo 5:3

“Balishuka bo abayishiba ukuti balichula mumupashi, pakuti ubufumu bwakumulu bwabo.

Luka 4:17

Elo bamupele ibuku lyamusoseshi Esaya. Aliswile, asangilepo apalembelwe mfi,

Luka 6:20

Ulo Yesu aloleshe pabakusambila bakwe alibebele ati, “Mwalishuka mwebo mwe bachula, pakuti ubufumu bwaku Lesa bwenu!

Luka 7:22

Elo ayasukile abatuminwe ati, “Bwelelenimo mukamushimikileko Yohane ifyo mwabona nokumfwa: impofu shikobona, abalemana bakoyenda, abafyona bakopola, bankoma-matwi bakoumfwa, abafwa nabo bakobuka, nabachula bakoshimikilwa Ubutumi Bwawama.

Yohane 1:41

Bwangu-bwangu asangile wabo Simoni, nokumweba ati, “Twamusanga Uwasubwa waku Lesa.” (Ndi shina lyaalula ati Klistu.)

Yohane 12:46

Nayisa muchalo ukuba ukusanika, ukuti onse uukochetekela muli nebo eyikalilila mumfinshi.

Yohane 3:34

Uyo uwatumwa na Lesa eusosa amashiwi aku Lesa, pakuba Lesa alimupela Umupashi Wabuta ukufikapo.

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Imilimo ya batumwa 4:26

Imfumu shapano chalo shayipekanya, intungulushi shakumana pamo, bakopingila Bashikulu no Wasubwa wabo.’

Imilimo ya batumwa 4:27

Nachine Helodi na Pontiyasi Pilato bakumene muno mwenka mumushi pamo nabenafyalo nabena Isilaeli. Balikupinga ukulwisha Yesu Umupyungi wenu Uwabuta uyo Wasubilwe.

Kolose 1:13

Pakuba ewatupokololako kufiso fyamfishi nokutuleta mubufumu bwa Mwana wakwe uwatemwekwa.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.