Luka 3:3 - Chipangano Chabwangu

³ Yohane ayile muchalo chonse ichaku Yolodani, akobilisha ati, “Lapileni nokubatishiwa ukuti Lesa amunakilile amabifyo enu.”

Luka 3:3 ပူးပေါင်းရင်းမြစ်များ

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Luka 1:16

Akubwesha abantu abenji abana Isilaeli kuli Bashikulu Lesa wabo.

Luka 1:77

Ukwishibisha abantu bakwe ukuti bakwisa kupuluka, mukunakililwa kwamabifyo abo.

Luka 4:1

Yesu afumine kumulonga wa Yolodani uwayiulamo no Mupashi Wabuta, alitanjililwe no Mupashi Wabuta ukumutwala muchiswebebe.

Yohane 1:28

Mfi fyonse fyachitikile mumushi wa Betaniya kwitala lyamulonga wa Yodani, uko Yohane alikubatishisha.

Yohane 3:26

Elo bayile kuli Yohane nokumweba ati, “We musambishi, napo ukomwibukisha ngulya muntu uwali nawebo kumutule-suba wa Yodani, ngulya uwo mwasoselepo? Naye nomba akobatisha, nakambi abantu abenji bakoya kuli ye.”

Imilimo ya batumwa 13:24

Ulo Yesu atalatatika umulimo wakwe, Yohane alikubilisha kubena Isilaeli bonse ukuti balapile nokubatishiwa.

Imilimo ya batumwa 19:4

Elo Paulo asosele ati, “Yohane alikubatisha abo abali kulapila kumabifyo abo nokubeba ukuti balokuchetekela muli ngulya uwakwisa panuma, ekuti muli Yesu.”

Imilimo ya batumwa 22:16

Nomba chindo icho ukolindila? Ima nokubatishiwa ukuti usambe amabifyo obe elo wite peshina lyaku Bashikulu.’