Luka 3:11 - Chipangano Chabwangu

¹¹ Yohane ayasukile ati, “Uyo onse uuli neminjila ibili, apeleko uutakwetepo. Nangulya uukwete ichakulya achite mumo mwenka.”

Luka 3:11 ပူးပေါင်းရင်းမြစ်များ

Mateyo 25:40

Elo Imfumu yakubasuka ati, ‘Nachine nkomweba ati, ulo mwayafwilishe umo uwakuli mba abali kubulilwa, ninebo mwayafwilishe.’

Luka 11:41

Nomba peleni ifili munkombo namumbale kubachula, epo nefintu fyonse fyakuba ifiweme kuli mwe.

Luka 18:22

Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Luka 19:8

Naye Sakeyo alimine nokusosa kuli Bashikulu ati, “Umfweni, mwe Mfumu! Nakupela ichipande chabuboni bwanji. Fimbi mpeleko abachula, nakambi kati nalichenjelekapo umuntu uuli onse, nakumubweseshapo ukuchila imiku ine.”

Yohane 13:29

Pakuti Yuda ewalikusunga itumba lyandalama, bambi abakusambila bakwe balangulukile ati nangula Yesu amweba ukuya kushita ifyali kufwayikwa pakulya nangula ukupelako fimo kubachula.

Imilimo ya batumwa 10:2

Umuntu ngu nabamunanda yakwe balikulomba Lesa. Alikwafwilisha ukwinekantu Abayuda abachula, nakambi alikulomba kuli Lesa lonse.

Imilimo ya batumwa 10:31

Elo asosele ati, ‘Koneliyasi! Lesa alyumfwile ukulomba kobe nemilimo yobe iyakwafwilisha iyo ukochita.

Imilimo ya batumwa 10:4

Ulo Koneliyasi abwene umungelo ngu, alitinine nokusosa ati, “Nindo bamfumu?” Elo umungelo asosele kuli ye ati, “Lesa atemwa ukulomba kobe pamo nemilimo yobe iyakwafwilisha iyo ukochita. Echo akofwaya ukukwasuka.

Efeso 4:28

Umung’o aleke ukwiba, kuntu abomfye amaboko akwe mumilimo iiweme ukwebati angapelako abatakwetepo.

1 Timoti 6:17

Ubebe ababuboni panonshi ukuti tabalingile ukuyitutumuna nangula ukuchetekela pabuboni bwabo ubutekalililapo. Nomba balingile ukuchetekela kuli Lesa uyo uutupela ifintu fyonse ukuti tusekele nafyo.

1 Timoti 6:18

Ubakoseleshe ukuti balokuchita ifiweme, ukuti abantu beshibilepo ati babuboni ukupitila mumilimo iiweme, nokuti bakane nomutima umo nabanabo.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

Yemusi 1:27

Ukulomba ukwachine nokwafikapo pamenso aku Lesa Bata ninku ukwakuti umuntu asunge banshiwa nabamukamfwilwa pakuchula kwabo, elo nokuyisunga ukutina ukwebati ububi bwapanonshi bwimukoweshapo.

Yemusi 2:14

Mwe bawesu, nindo chikoyafwilisha nga umuntu akososa ati, “Ndi nechichetekelo,” kuntu tapapo imilimo achita? Napo ichitekelo chamfi kuti chamupulusha?

1 Yohane 3:17

Nga umuchindami abona wakwe akokabila ubwafwilisho, kuntu tamwafwile, ukutemwa kwaku Lesa kwaba shani muli Ye?

1 Yohane 4:20

Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?