Luka 24:47 - Chipangano Chabwangu

⁴⁷ Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.

Luka 24:47 ပူးပေါင်းရင်းမြစ်များ

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Mateyo 3:2

“Lapileni pantu ubufumu bwakumulu bwapalamina!”

Mateyo 9:13

Kamuya mukasambilile ifyo asosa Amalembo aku Lesa ati, ‘Nkofwaya ichisa, te chipupopo chanama iyowo.’ Tanshayisapo mukwita abaololoka imitima, sembi imbifi.”

Luka 13:34

“Yelusalemu, Yelusalemu! We wipaya abasoseshi nokulasa amabwe abatumwa baku Lesa! Ilinji line nafwayile ukulonganya abana bobe nga mfilya nyina-nkoko afukatila utwana mumapindo akwe, kuntu webo walikene!

Imilimo ya batumwa 10:43

Nabasoseshi bonse balikusosa ifyaku Yesu ukuti umuntu onse uchetekela muli Ye akunakililwa amabifyo akwe ukupitila mufiso fyeshina lyakwe.”

Imilimo ya batumwa 11:18

Ulo baumfwile nga mashiwi, alibashinine. Elo bachinshikile Lesa ati, “Kanshi Lesa alipela abenafyalo inshita yakulapila kumabifyo abo ukuti bakwate ubumi!”

Imilimo ya batumwa 13:46

Nangu chali mfi, Paulo na Banabasi babilikishe ukwambula umwenso nokuti, “Chali ichalinga ukuti amashiwi aku Lesa abilishiwe kuli mwebo pakutatika. Apo mwaliyakana nokuyibonesha ukuti tamulingile ubumi butapwa, twakumusha nokuya kubenafyalo.

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Imilimo ya batumwa 20:21

Nalikukonkobesha Abayuda nabenafyalo ukuti balapile nokwalukila kuli Lesa ukuti bachetekele muli Bashikulu Yesu.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Imilimo ya batumwa 26:20

Natatikilepo ukushimikila mu Damasikasi nokuya mu Yelusalemu, namuchalo chonse icha Yudeya napakati kabenafyalo.

Imilimo ya batumwa 28:28

Elo Paulo asosele nakambi ati, “Kachishibikwe kuli mwebo ukuti amashiwi aku Lesa achipulusho alituminwe kubenafyalo. Bo bakuya kumfwa!” [

Imilimo ya batumwa 3:19

Kanshi nomba lapileni, mwalukile kuli Lesa ukuti afute amabifyo enu. Elo Lesa akumupa ifiso fyabwangu inshita nenshita.

Imilimo ya batumwa 4:12

Ukupuluka kusangwa muli Ye epela pantu takupo ishina limbi panonshi Lesa apela kubantu ilyo twingapulukilamo.”

Imilimo ya batumwa 5:31

Nomba Lesa alimuchinshika nokumubika kukuboko kwakwe ukwamulyo. Amuchitile ukuba Intungulushi no Mupulushi ukuti abena Isilaeli balapile nokunakililwa kumabifyo abo.

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

Efeso 1:6

Afwayile ukwebati tumutondayishe pabwanshi bwakwe ubukulu pakutupela bwaka umwana wakwe uwo atemwesha.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

1 Yohane 2:12

Nkolembela mwebo mwe bana banji pantu ububi bwenu bulelelwa pamulandu waku Klistu.