Luka 24:44 - Chipangano Chabwangu

⁴⁴ Elo asosele kuli bo ati, “Mfi efyo namwebele ulo nali nenu. Fyonse ifyalembwa ifyaku nebo mu Mafunde, nefyalembwa nabasoseshi, nefya Malumbo fyakwisa kuchitika.”

Luka 24:44 ပူးပေါင်းရင်းမြစ်များ

Mateyo 1:22

Mfi fyonse fyachitikile ukuti chifikilishiwe ichasoselwe na Bashikulu ukupitila mumusoseshi ati,

Mateyo 16:21

Ukufuma panshita njilya Yesu atatikile ukulondolwela abakusambila bakwe ati, “Ningile ukuya ku Yelusalemu uko abakulu Babayuda, intungulushi shabachipupila, nabasambishi ba Mafunde bakuya kunchusha ukwinekantu nokunjipaya. Nomba mukasuba kalenga shitatu nakwisa kubuka kubafwa.”

Mateyo 26:54

Nga chakuti nachita mfi, nga kuti fyachitika shani ifyalembwa Mumalembo?”

Mateyo 26:56

Chiweme pantu mfi fyonse fyachitika ukuti fibe ifyakwebesha ifyo abasoseshi balembele.” Elo abakusambila bonse bashile Yesu nokufulumuka ulubilo.

Maliko 9:31

Pakuti alikusambisha abakusambila bakwe ati, “Umwana wa Muntu akoyembulwa kubantu. Elo bakumwipaya. Nomba mubushiku bwalenga shitatu, akwisa kubuka kubafwa.”

Luka 21:22

Pakuti nji eshita yamachushi, nku ekufikilisha fyonse ifyalembwa.

Luka 22:37

Pakuti nkomubusha Amalembo Apatulika ngalya ayasosa ati, ‘Ye balimupendele pamo notupondo,’ ukwebati filange ukwebesha nefyalembelwe pali nebo, pakuti ifyalembelwe pali nebo fili apepi nokufikilishiwa.”

Luka 24:46

Asosele kuli bo ati, “Nchi echalembwa ukuti Uwasubwa waku Lesa alingile ukuchula nokubuka kubafwa pakasuba kalenga shitatu.

Luka 9:22

Nakambi alibebele ati, “Umwana wa Muntu ali nokuchula ukwinekantu. Elo akusulwa kubakulu Babayuda kuntungulushi shabachipupila, bafilolo nabasambishi ba Mafunde. Bakumwipaya, kuntu mukasuba kalenga shitatu akwisa kubuka kubafwa.”

Luka 9:44

“Mulokulabukilapo nga mashiwi nkososa kuli mwebo! Umwana wa Muntu akoyembulwa kubantu.”

Yohane 3:14

Chili ukubati nimfilya Mosesi asumbwile insoka yamukuba pachiti muchiswebebe. Munshila imo yenka Umwana wa Muntu akowamina ukusumbulwa

Yohane 5:39

Mulafwayilisha ifya Mumalembo Apatulika pantu mulanguluka ukwebati emo mwingasangamo ubumi butashila. Nga Malembo eapela bukamboni pali nebo.

Yohane 5:46

Kati mwebo mwachetekela Mosesi mukwebesha, nga mwalinchetekela pakuti ifyo Mosesi alembele fyaku nebo.

Imilimo ya batumwa 13:33

atuchitila fwebo fwe bana babo ukupitila mukubusha Yesu kubafwa. Nchi chili kubati nimfilya chalembwa mu Malumbo yachibili ati, ‘Webo uli mwana wanji, ukufuma lelo ninebo Wiso.’

Imilimo ya batumwa 13:40

Kanshi chenjeleni ukuti icho abasoseshi basosele chiisa chitika kuli mwe,

Imilimo ya batumwa 2:27

Pantu mwebo tamwakanshepo kumanda, nachine tamwakaleke Uwabuta wenu ukubola.

Imilimo ya batumwa 3:18

Ukuba enshila nji iyo Lesa apekenye ukufikilisha ifyo asosele ukupitila mubasoseshi bonse ukuti Klistu wakwe alinokuchula.

Imilimo ya batumwa 7:37

Engu enka uwaebele abena Isilaeli ati, ‘Lesa akwimya umo muli mwebo ukuba umusoseshi kubati ninebo.’

Hebele 10:1

Amafunde akwa Mosesi chinshingwa bwaka cheshuko ilyo ilikoyisa, temashukopo ayenenene iyowo. Ifipupo filapelwa munshila imo yenka chila mwaka. Nomba Amafunde ayo tayawamishepo bonse abantu abesa kuli Lesa ukupitila mufipupo mfi.

Hebele 3:5

Mosesi ngulya umupyungi wamunanda yaku Lesa, aali uwachishinka kubamunanda nji ukuti abe kamboni pafyo Lesa akwisa kusosa kuntanshi.

Hebele 7:1

Ngu Melikisedeki ali nimfumu yaku Salemu nakambi Chipupila waku Lesa Uwapulamo. Ulo Abulahamu alikubwela kunkondo uko alwishishe nokuchimfya imfumu nshilya, Melikisedeki alimukumenye nokumushukisha.

Hebele 9:8

Munshila yenka nji Umupashi Wabuta ukosambisha ukuti tapapo inshita imbi iyakwinjililapo Muchifulo Ichabutisha nga Ichifulo Chabuta epo chili.

1 Petulo 1:11

Umupashi waku Klistu uwayikala muli bo wasosele kabela ifyakufinya ifyo Klistu akuumfwa, elo nefyamuchinshi uwo akuba nawo panuma. Abasoseshi mbalya balikufwayilisha ukwishiba ulo mfi fyakuchitika, namunshila ndo.

Ukufisulula 19:10

Epo nalifukeme pamakasa akwe ukwebati mulombe, kuntu ye asosele kuli nebo ati, “Wichitapo mfi iyowo! Nandibo ndimupyungi bwaka kubati niwe. Nandibo ndi uwabachetekela kubati niwe nabanobe abo abakochitila Yesu bukamboni. Ulokulomba Lesa!” Pakuti ukuchitila Yesu bukamboni ebusoseshi ubwine-bwine.