Luka 23:5 - Chipangano Chabwangu

⁵ Nomba bo balikatishe ukwinekantu ati, “Mukusambisha kwakwe akotatika ifimfulunganya mukati kabantu ukupita monse muchalo cha Yudeya. Atatikile mu Galili nakambi ayisa nankuno.”

Luka 23:5 ပူးပေါင်းရင်းမြစ်များ

Mateyo 11:1

Ulo Yesu ashilile ukubeba ifyakuchita abakusambila bakwe ikumi na babili, alifumineko, ayile akosambisha nokubilisha mumishi.

Mateyo 2:1

Yesu afyalilwe ku Betelehemu, umushi wamuchalo cha Yudeya, panshita imfumu Helodi alikuteka nchilya chalo. Ulo papitile inshiku, abantu abachenjela mukwishiba ifyantandala bafumine kumutule-suba nokufika mumusumba wa Yelusalemu.

Mateyo 27:24

Ulo Pilato abwene ukwebati mwali ukutalikishanya mubantu, abulile amenshi nokusamba kuminwe yakwe pamenso yabantu. Elo asosele ati, “Tanshikwetepo umulandu pamfwa yamuntu ngu. Chiteni icho mukofwaya mwebene.”

Mateyo 4:23

Yesu alikwenda-enda muchalo cha Galili, ukusambisha mumananda aakulombelamo Lesa, nokubilisha Ubutumi Bwawama ubwa Bufumu, nokuposha abantu abali namalwele aapusene-pusene nabanakile imibili.

Maliko 1:14

Ulo bayikete Yohane nokumubika muchifungo, Yesu ayile kuchalo cha Galili mukubilisha Ubutumi Bwawama ubwabufumu bwaku Lesa.

Luka 11:53

Ulo Yesu afumine pali nchilya chifulo, abasambishi ba Mafunde na Bafalisi batatikile ukumulengulula ukwinekantu nokufumba amafumbo pafintu ifinji.

Luka 23:23

Nomba balikatishe nokubilikisha ukwinekantu mumashiwi abo ukuti Yesu alingile ukusamikwa pamutashi. Kumupwilo chilya chongo chabo chalyumfwikilwe.

Luka 23:6

Ulo Pilato aumfwile nchi, alifumbile ati, “Kanshi ngu muntu waku chalo cha Galili?”

Yohane 1:43

Akasuba kakonkelepo Yesu alangulukile ukuya kuchalo cha Galili. Elo asangile umwalalume uwitwa Filipo nokuti kuli Ye, “Nkonka!” (

Yohane 19:15

Bonse balyawile bati, “Afwe, afwe! Musamikeni pamutashi!” Pilato abeba ati, “Kanshi kuti nasamika Imfumu yenu?” Intungulushi shabachipupila shalyasukile ati, “Tatukwetepo imfumu imbi, kuntu kateka mukulu waku Loma epela.”

Yohane 2:11

Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 7:41

Bambi basosele ati, “Ngu muntu eye Uwasubwa waku Lesa.” Nomba bambi nabo balikusosa ati, “Napo Uwasubwa ngu kuti afuma ku Galili?

Yohane 7:52

Nabo balimwasukile ati, “Kanshi nawebo uli mwina Galili? Upende bwino Malembo Apatulika. Wakusanga ukwebati takupo umusoseshi nangu umo uwafuma ku Galili.” [

Imilimo ya batumwa 10:37

Mwebo mwalishiba ifyachitikile mu Yudeya monse, ifyatatikile mu Galili, panuma yakushimika kwakwa Yohane palubatisho lwakwe.

Imilimo ya batumwa 23:10

Ukutalikana kwalikulile. Echalengele ukuti umukulu wabashilikali atine ukuti nalimo abantu kuti balepaula Paulo. Elo aebele abashilikali bakwe ukuti bafumye Paulo mukati kebumba lyabantu nokumutwala kuchifungo chabo.

Imilimo ya batumwa 5:33

Bashichilye pakumfwa mfi, balikalipile ukwinekantu ichakuti balikufwaya nokwipaya abatumwa.

Imilimo ya batumwa 7:54

Ulo abamuchilye baumfwile amashiwi akwa Sitefano, bakalipile ukwinekantu nokusumanya ameno kubukali bwabo.

Imilimo ya batumwa 7:57

Pakumfwa mfi, bashichilye bayimishe amashiwi nokuchilika amatwi yabo, bamufukukile bonse pamo.