Luka 23:4 - Chipangano Chabwangu

⁴ Elo Pilato asosele kuntungulushi shabachipupila nakumabumba ati, “Nebo tanshisangilemo umulandu muli ngu muntu.”

Luka 23:4 ပူးပေါင်းရင်းမြစ်များ

Mateyo 27:19

Ulo Pilato achili alikele pachipuna chabupingushi, umukashi wakwe alitumine amashiwi kuli ye ati, “Wichitapo kantu nangu kamo pali uyo muntu, wakaele. Pakuti ndichulile ukwinekantu muchoshi pamulandu wakwe.”

Maliko 15:14

Pilato afumbile ati, “Nomba mulandu ndo uwo achitile?” Elo nabo bachishamo ukusowela, “Musamikeni bwaka!”

Luka 23:22

Pilato asosele kuli bo inshita yachitatu ati, “Nomba mulandu ndo uwo achitile? Nshisangilepo umulandu uwo achitile uwakuti alingile epayiwe! Nebo nkomupanda bwaka ifikoti nokumuleka alokuya.”

Yohane 18:38

Pilato afumbile Yesu ati, “Nga ukwebesha uko ukososa chindo?” Ulo ashilile ukusosa amashiwi nga, afumine panse nokweba abakulu ba Bayuda ati, “Muli ngu muntu nshisangilemo mulandu iyowo.

Imilimo ya batumwa 25:25

Nomba nebo tanshamusangilepo nomulandu uwo angafwilapo iyowo. Elo umwine naye alilombele ukuti umulandu wakwe ukapingulwe kuli kateka mukulu, nandibo namutumine kuli ye.

Imilimo ya batumwa 3:13

Mukuchita mfi Lesa waku Abulahamu, Isake na Yakobe, Lesa wafikolwe fyesu, ewachindamika umupyungi wakwe Yesu. Mwebo mwalimuposele kufipondo fyakwe. Elo mwalimukene napa menso yakwa Pilato panshita Pilato alikufwaya ukumukakula.

Hebele 7:26

Chiweme ukuti tube nakwe Chipupila Mukulu uwalungama, uutakwetepo akalema nangula ububi ubuli bonse, uwapusana nembifi nakambi uwasumbulwa ukuchila fyonse ifyakumulu.

1 Petulo 1:19

Amupulwishe nomulopa uukosele umutengo. Ye balimwipeye kubati mwana wambelele uutakwetepo akasemba nangula akalema.

1 Petulo 2:22

Ye tabifishepo nangula ukusosa ubufi.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.