Luka 23:14 - Chipangano Chabwangu

¹⁴ Asosele kuli bo ati, “Mwaletele ngu muntu kuli nebo nokweba ati alikupufyanya abantu. Nomba nebo namufumbile pamenso enu, tanshisangilemo umulandu nangu umo muli fyonse ifyo mwamwebelela.

Luka 23:14 ပူးပေါင်းရင်းမြစ်များ

Mateyo 27:19

Ulo Pilato achili alikele pachipuna chabupingushi, umukashi wakwe alitumine amashiwi kuli ye ati, “Wichitapo kantu nangu kamo pali uyo muntu, wakaele. Pakuti ndichulile ukwinekantu muchoshi pamulandu wakwe.”

Mateyo 27:24

Ulo Pilato abwene ukwebati mwali ukutalikishanya mubantu, abulile amenshi nokusamba kuminwe yakwe pamenso yabantu. Elo asosele ati, “Tanshikwetepo umulandu pamfwa yamuntu ngu. Chiteni icho mukofwaya mwebene.”

Mateyo 27:4

“Nabifya pakwembula umuntu uutakwetepo mulandu.” Nabo basosele ati, “Napo uyo mulandu wesu? Mulandu obe wenka.”

Mateyo 27:54

Ulo umukulu wabashilikali nambalya abo alikulonda nabo Yesu, babwene ichinkukuma nefyachitikile, balitinine ukwinekantu bati, “Nachine, ngu muntu aali Mwana waku Lesa.”

Imilimo ya batumwa 13:28

Nangu tabasangile mulandu uwakumwipayilapo, bapapatile Pilato ukuti amwipaye.

Imilimo ya batumwa 17:11

Abantu baku Beleya bali nemitima yakumfwisha ukuchila abakumusumba wa Tesalonika. Mba bena balikufwayisha ukumfwisha amashiwi nemitima yabo yonse. Elo balikupitulukamo Mumalembo aku Lesa ukuti bashininkishe ifyalikusosa Paulo kati fyachine.

Hebele 7:26

Chiweme ukuti tube nakwe Chipupila Mukulu uwalungama, uutakwetepo akalema nangula ububi ubuli bonse, uwapusana nembifi nakambi uwasumbulwa ukuchila fyonse ifyakumulu.