Luka 22:70 - Chipangano Chabwangu

⁷⁰ Elo bonse bamufumbile ati, “Kanshi, nachine, uli Mwana waku Lesa?” Naye alibasukile ati, “Ifyo mwasosa efyo naba.”

Luka 22:70 ပူးပေါင်းရင်းမြစ်များ

Mateyo 26:25

Elo Yuda uyo uwamwembwile, afumbile ati, “Napo nine Bashikulu?” Naye amwasula ati, “Wasosa.”

Mateyo 26:64

Elo Yesu amwebele ati, “Wasosa. Nomba nkomweba ati, ukufuma nomba mwakubona Umwana wa Muntu alikele kukuboko kwamulyo ukwaku Lesa umwine wafiso fyonse, mwakumubona uko akwisa mumakumbi amumulu.”

Mateyo 27:11

Batwite Yesu kuli Pilato, kateka wabena Loma. Elo Pilato amufumbile ati, “Napo webo niwe Mfumu ya Bayuda?” Yesu amwasukile ati, “Wasosa!”

Mateyo 27:43

Alichetekela muli Lesa nokusosa ati, ‘Nine Mwana waku Lesa. Nomba Lesa kamupulushe, kati nachine akomufwaya.’”

Mateyo 27:54

Ulo umukulu wabashilikali nambalya abo alikulonda nabo Yesu, babwene ichinkukuma nefyachitikile, balitinine ukwinekantu bati, “Nachine, ngu muntu aali Mwana waku Lesa.”

Mateyo 3:17

Elo ishiwi lyasosele ukufuma kumulu ati, “Ngu Emwana wanji uwatemwekwa, muli ye emo nkosekelela.”

Mateyo 4:3

Epo Satana alishile nokumwesha ati, “Kati niwe Mwana waku Lesa, eba amabwe nga ukuti aaluke umufuba.”

Maliko 14:62

Yesu amwasukile ati, “Ina, nine, nakambi mwakubona Umwana wa Muntu ekele kukuboko kwamulyo ukwaku Lesa umwine wafiso fyonse, mwakubona uko akwisa mumakumbi amumulu!”

Maliko 15:2

Pilato afumbile Yesu ati, “Napo webo niwe Mfumu ya Bayuda?” Yesu amwasukile ati, “Wasosa.”

Luka 22:71

Nabo basosele ati, “Mulandu ndo tukofwayilapo nabakamboni bambi? Fwebo fwenka twayumfwila ifyo asosele!”

Luka 23:3

Pilato alimufumbile ati, “Napo webo niwe mfumu ya Bayuda?” Yesu amwasukile ati, “Wasosa.”

Luka 4:41

Elo imipashi iibi nayo yalikufuma mubenji, yalikusosa nokusosa ati, “Webo niwe Mwana Lesa!” Yesu naye aliyikalipile nokuyikanya ukusosa. Pakuba yena yalishibile ukuti Yesu e Wasubwa waku Lesa.

Yohane 1:34

Lelo nayibwena nemwine, nakambi nkomweba ati, ngu e Mwana waku Lesa.”

Yohane 1:49

Natanayeli alimwasukile ati, “We musambishi, niwe Mwana waku Lesa! Niwe Mfumu yaba Isilaeli!”

Yohane 10:30

Bata nandibo twaba umo bwaka.”

Yohane 10:36

Nebo, Bata ba nsalile nokuntuma muno chalo. Mba nindo nomba mukonjebela ukuti nkosalula Lesa ulo nsosa ati nine Mwana waku Lesa?

Yohane 18:37

Elo Pilato amufumbile ati, “Kanshi webo uli mfumu?” Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”

Yohane 19:7

Abayuda balyasukile bati, “Tuli nalyo ifunde lyesu ilikoti akowamina ukufwa, pakuti akoeba ukuti ni Mwana Lesa.”