Luka 22:43 - Chipangano Chabwangu

⁴³ Elo umungelo ayishile kuli Ye nokumukosha.

Luka 22:43 ပူးပေါင်းရင်းမြစ်များ

Mateyo 26:53

Napo ukolanguluka ukuti tekuti njitepo kuli Bata ukwebati bantumine nduno lwenka amabumba ikumi na abili aabangelo?

Mateyo 4:11

Elo Satana alimushile Yesu, nabangelo balishile nokumupyungila.

Mateyo 4:6

Elo asosele kuli Ye ati, “Kati niwe Mwana waku Lesa, chilukila panshi pakuti chalilembwa ati, ‘Lesa akweba abangelo bakwe ukwisa kukwelekela pamaboko abo, ukuti wiyitutulapo amakasa obe pamabwe.’”

Luka 22:32

Nomba we Simoni nakulombela ukwebati ukuchetekela kobe kwibwelelapo kunuma. Ulo wakubwelela kuli nebo, ulingile ukukosha bawenu.”

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Imilimo ya batumwa 18:23

Ulo ayikeleko inshita inini, nakambi alifumineko nokuya kuchalo cha Galatiya naku Fuligiya, ali mukukoselesha abachetekela bonse.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Hebele 1:14

Napo abangelo, temipashi iikomupyungila bwaka, iyo Lesa atuma ukwafwilisha bo abakupuluka.

Hebele 1:6

Nomba ulo atumine Umwana wakwe uwakwambilapo pano chalo, Lesa asosele ati, “Abangelo abaku Lesa bonse balingile ukumulomba.”

Hebele 2:17

Nchi chikoyalula ukuti ayalukile kubati bawakwe pali fyonse, ukuti abe Chipupila Mukulu wankumbu nechichetekelo pakupyungila Lesa nokufuta amabifyo ayabantu.