Luka 22:42 - Chipangano Chabwangu

⁴² Elo Yesu alombele ati, “Bata, nga mukofwaya, fumyenipo ndu lukombo lwamachushi pali nebo. Nomba tekufwayapo kwanji, kuntu kufwaya kwenu eko kuchitikwe.” [

Luka 22:42 ပူးပေါင်းရင်းမြစ်များ

Mateyo 11:25

Pali njilya nshita Yesu asosele ati, “Bata, mwe Kateka wamulu nechalo! Nkomutotela pantu mwalanga mfi ifintu kubatasambilila ifyo mwafishile kubamano nabasambilila.

Mateyo 11:26

Ina, Bata nchi echo mwatemenwe ukuti chichitikwe mukufwaya kwenu.

Mateyo 20:22

Yesu alyasukile ati, “Tamwishibilepo icho mukofumba. Napo mwebo mwinganwenako kulukombo lwamachushi ulo nkoya kunwenako?” Nabo balimwasukile ati, “Ina, kuti twachita.”

Mateyo 26:39

Ulo Yesu aendeleko panini akatalamukila awile panshi ubwifuneme, nokulomba ati, “Bata, kati kuti chalinga, fumyenipo ndu lunkombo ulwabuchushi. Nangu chibe mfi, kwiba kubati kufwaya kwanji iyowo, kuntu ukufwaya kwenu eko kuchitike.”

Mateyo 26:42

Yesu alibwelelemo umuku wachibili, aya mukulomba ati, “Bata kati ulunkombo ndu ulwamachushi talwafumepo pali nebo, chiteni ukufwaya kwenu.”

Mateyo 26:44

Nakambi alibashile, ayile mukulomba umuku wachitatu. Asosele amashiwi amo enka.

Mateyo 6:10

Ubufumu bwenu bwise, ukufwaya kwenu kuchitike panonshi, ukubati nikumulu.

Maliko 14:36

Asosele ati, “Aba, Bata wanji ee, mwebo ifintu fyonse kuti mwafichita, mpokololeniko kulukombo ndu ulwabuchushi. Nomba ifyo nebo nkofwaya tefyopo, kuntu ukufwaya kwenu kuchitike.”

Luka 23:34

Yesu asosele ati, “Bata, banakilileni pantu tabeshibilepo icho bakochita.” Elo bayakene amalaya yakwe mukuchita bumwine-mano.

Yohane 18:11

Elo Yesu akalipile Petulo ati, “Bwelesha umwele muchitubyu. Napo ndeke ukunwenako kulukombo lwamachushi ulo Bata bampela?”

Yohane 4:34

Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

Yohane 5:30

“Apanenka tekuti nchitepo akantu nangu kamo munsambu shanji. Nebo mpingwila bwaka mwenka umo Lesa anjebela. Elo ubupingushi bwanji bwaba ubwalungama pakuti nshichitapo ifyo nemwine mfwaya, kuntu ifyo uyo uwantuma afwaya.

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Imilimo ya batumwa 21:14

Twalifililwe ukumunasha Paulo umutima ukuti eyako. Echo twalekele bwaka nokuti, “Ubufwayo bwaku Bashikulu buchitike.”