Luka 22:33 - Chipangano Chabwangu

³³ Petulo alyasukile ati, “Bashikulu, nebo ndi uwayipekanya ukuya namwe kuchifungo, nokufwila pamo nenu.”

Luka 22:33 ပူးပေါင်းရင်းမြစ်များ

Mateyo 20:22

Yesu alyasukile ati, “Tamwishibilepo icho mukofumba. Napo mwebo mwinganwenako kulukombo lwamachushi ulo nkoya kunwenako?” Nabo balimwasukile ati, “Ina, kuti twachita.”

Maliko 14:29

Petulo ayasukile Yesu ati, “Nangu bambi bakubutuka, kuntu nebo iyowo!”

Maliko 14:31

Nomba Petulo ayasukile nomushika ati, “Nebo, nangu kati kufwa, nkofwa nawe. Tekuti nkukanepo iyowo!” Nabakusambila bambi nabo basosele fimo fyenka.

Luka 22:34

Yesu asosele ati, “Nkokweba Petulo nati, tambala atalalila mbuno bushiku bwenka, ukoyisa kunkana imiku itatu ukuti tawanjishibapo.”

Luka 22:57

Nomba Petulo alikene ati, “We mwanakashi, nshamwishibapo nokumwishiba!”

Yohane 13:38

Yesu alyasukile ati, “Kanshi webo uliyiteyenye ukufwila nebo? Nachine nkokweba ati, tambala atalalila bwenka mbuno bushiku, ukoyisa kunkana imiku itatu.

Imilimo ya batumwa 21:13

Nomba Paulo ayasukile ati, “Chindo mukochita mwebo pakuyilishanya mfi nokutomposha umutima wanji? Nebo ndiyipekenye kale, tekukakwapo kwenka mu Yelusalemu iyowo, kuntu nokufwa pamulandu waku Bashikulu Yesu.”