Luka 22:30 - Chipangano Chabwangu

³⁰ Mwakwisa kunwa nokulya petebulu lyanji mu Bufumu bwanji. Elo mwakwisa kwikala pafipuna ifyabufumu nokupingula pamikowa ikumi na ibili ya Baisilaeli.

Luka 22:30 ပူးပေါင်းရင်းမြစ်များ

Mateyo 19:28

Yesu abebele ati, “Nachine nkomweba ati, mubufumu bwabwangu bukoyisa, ulo Mwana wa Muntu akwikala pamupando wakwe uwabuleme, namwe mwe bankonka mwakwikala pamipando iili ikumi na ibili. Mwakuya kupingula imitundu ikumi na ibili iya Baisilaeli.

Mateyo 5:3

“Balishuka bo abayishiba ukuti balichula mumupashi, pakuti ubufumu bwakumulu bwabo.

Mateyo 8:11

Abenji bakwisa ukufuma kumutule-suba nakumbonshi nokwikala pamo na Abulahamu, Isake elo na Yakobe pamutebeto mubufumu bwakumulu.

Luka 12:37

Mba bapyungi bakuba nokusekelela ulo shikulu wabo akwisa kubasanga bakololela nokuyiteyanya ulo abwela! Nachine nkomweba ati, akwisa ukufulako ikoti lyakwe lyamuchinshi nokubekalika ukuti abatebete.

Luka 14:15

Ulo umuntu umo pali bo abali na Yesu pakulya aumfwile mfi, aebele Yesu ati, “Bakuba nokusekelela abo abakwisa kulya umutebeto Mubufumu bwaku Lesa!”

2 Timoti 2:12

Nga twashipa, twakutungulula pamo nakwe. Nga fwebo twamukana, na Ye akutukana.

Yemusi 1:1

Nine Yemusi, umupyungi waku Lesa na Bashikulu Yesu Klistu. Namuposha umutende bonse mwe bantu baku Lesa abapalangana mpanga yonse.

Ukufisulula 19:9

Penkapo umungelo alisosele kuli nebo ati, “Lemba amashiwi nga: Balishuka bantu abetwa kukusefya kuchupo cha Mwana wambelele.” Nakambi umungelo ati, “Nga mashiwi yaku Lesa ayachine.”

Ukufisulula 3:21

Onse uwakuchimfya nakumusuminisha ukwikala nandibo pamupando wanji uwabufumu, kubati nimfilya nachimfishe nokwikala na Bata pamupando wabufumu.

Ukufisulula 4:4

Ukushinguluka umupando ngu uwabufumu, pali mipando nayimbi iyabufumu amakumi abili na ine. Elo pamipando njilya palikele bachilolo amakumi abili nabane abafwite ifyakufwala ifitubile. Kumitwi yabo balifwite ingala shagolide.