Luka 22:19 - Chipangano Chabwangu

¹⁹ Elo abulile umufuba nokutota kuli Lesa, aliusunawile, epo alibapele nokuti, “Ngu mubili wanji, [uwapelwa pamulandu wenu. Chiteni nchi mukunjibukisha.”

Luka 22:19 ပူးပေါင်းရင်းမြစ်များ

Mateyo 14:19

Yesu aebele amabumba abantu ukwikala pesani. Elo abulile imifuba nenswi shibili, aliloleshe kumulu nokutotela kuli Lesa. Ulo ashilile ukutotela, alisunawile imifuba nji nokupela abakusambila bakwe ukuti balumbe abantu.

Mateyo 15:36

Abulile imifuba isano na ibili notuswi nokutotela kuli Lesa. Elo asunawile imifuba nokupela abakusambila bakwe ukuti balumbe kubantu. Nabo efyo bachitile.

Luka 22:17

Elo Yesu abulile inkombo, alitotele kuli Lesa nokuti, “Buleni ulukombo ndu mwabane.

Luka 22:20

Munshila imo yenka alibapele nenkombo panuma yamulalilo, nokuti, “Ngu mulopa wanji uwachipangano ichabwangu chamumulopa wanji uwayitikilwe pamulandu waku mwebo.”]

Luka 24:30

Alikele nokulya nabo. Abulile umufuba, alomba aushukisha, ausuna nokubapela.

Yohane 6:23

Amato ambi aafumine ku Tibeliyasi, ayishile pachabu apepi napachifulo apo ibumba ilikulu lyalilile imifuba, ulo Bashikulu balombele kuli Lesa.

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

1 Kolinto 10:16

Ulo tunwako kulukombo uko tutotela Lesa, nku kwakanapo mumulopa waku Klistu. Umufuba uwo tusunaula, napo tatukumbinkanapo nomubili waku Klistu uyo tulyako?

1 Kolinto 10:4

bonse balinwine ichakunwa chimo. Pakuti balikunwa ukufuma kwibwe ndilya ilyamupashi ilyali nabo. Ndi bwe ni Klistu.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Galatiya 4:25

Haga uwaba kubati lupili lwa Sinai muchalo cha Alabiya, akoyimakaninako umusumba wa Yelusalemu wanduno, uuli mubusha pamo nabantu bakwe.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

1 Tesalonika 5:18

Mulokutotela lonse. Mfi efyo Lesa akofwaya ukuti muchite muli Klistu Yesu.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.