Luka 21:34 - Chipangano Chabwangu

³⁴ “Ikaleni abayibukila! Muyiposa mukulya namukukolwa namumasakamiko yaku mbuno bumi, ichakuti nkalya kasuba keyisa kumupumikisha bwaka nokwikatwa

Luka 21:34 ပူးပေါင်းရင်းမြစ်များ

Mateyo 13:22

Bambi nabo baba kubati nimbuto ishawile muminga. Mba ebomfwa amashiwi aku Lesa, kuntu pamulandu wakufwayilisha ifintu fyamuchalo nobuchindami, elo mfi fintu filafininkisha amashiwi, epo tabatwalapo ifitwalo.

Maliko 13:9

“Echo mwebo muchenjele. Pakuba balikumutwala mufilye, nakambi balikumupamina ifikoti mukati kamananda akulombelamo Lesa. Balikumulubulwisha kuli bakateka nakuli bashamfumu pamulandu wanji, pakuti mwakuba bakamboni banji kuli bo.

Maliko 4:19

kuntu pamulandu wamasakamiko amikalile yamuno chalo, nolunkumbwa lwabusambashi, ulunkumbwa lwafintu fimbi, fikoyinjilamo nokufininkisha amashiwi, epo tabatwalapo ifitwalo.

Luka 10:41

Bashikulu bamwasukile ati, “Webo Malita wasakamikwa nokufito umutima pafintu ifinji,

Luka 12:40

Echo namwe, mulokwipekenye pakuti panshita mutebukilepo epo Umwana wa Muntu akwishilapo.”

Luka 17:3

Kanshi chenjeleni nefyo muchita! “Kati wenu abifya, muchenjeshe, nga alapila munakilile.

Luka 21:35

nga chitembo. Pantu kakwishila abantu bonse panonshi.

Luka 21:8

Elo Yesu abasukile ati, “Chenjeleni ukuti umuntu nangu umo ekamubepapo. Pakuba abenji bakwishila mwishina lyanji nokusosa ati, ‘Nine Klistu!’ Nakambi, ‘Inshita nomba yafika!’ Nomba mwibakonka.

Luka 8:14

Imbuto shawile muminga, ebantu abomfwa amashiwi aku Lesa. Nomba amasakamiko nobusambashi namangalo aapanonshi, filabapulula, echo nefitwalo fyabo tafipyapo.

1 Kolinto 5:11

Nomba nalimulembele ukuti mwipangapo buchibusa nomuntu uusosa ati mwina Klistu, kumbi akochita ubuchende, kabundulu, uulomba tungosa wakubasa, uwansele, chakolwa, nangula umung’o. Umuntu uwaba mfi, tamulingilepo nangu ukulya pamo nakwe.

1 Kolinto 6:10

bang’o, bakabundulu, bachakolwa, abansele, nangula utupondo tabakenjilemo mubufumu bwaku Lesa.

Galatiya 5:20

ukulomba tungosa wakubasa nobuloshi, ukupatana, umufimbila, ichipyu, ukuyitemwa, ukupatukana,

Filipi 4:6

Mwilokusakamanapo pachintu nangu chimo iyowo, kuntu mukulomba kwenu konse, mupapate Lesa ukuti amupele ifyo mutakwetepo. Elo inshita shonse mulombe nemitima iyakutotela.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

2 Petulo 3:10

Nomba akasuba kaku Bashikulu kakwisa nga mung’o. Pakasuba nkalya iwulu lyakuluba nokubuluma ukukulu. Ifintu fyonse fyakupya nokusungulika kumulilo. Elo ichalo nefintu ifyabamo fyakupya shikiti.

2 Petulo 3:14

Echo mwe batemwekwa, pakuti mukolindilila mfi fintu, mulokuchinchila ukwebati Bashikulu bakamusange abatakwetepo ifisemba, umulandu, elo abali mumutende na Bashikulu.

Ukufisulula 3:3

Nomba languluka ifyo wasambilile nokumfwa. Ufiikatishe nakambi ulapile. Nga tawabuke nakwisa kubati mung’o nakambi tawakeshibepo inshita iyo nakwisa kuli webo.