19 Mube abakosele, elo mwakwipulusha mwebene.
Abantu bonse bakumupata pamulandu waku nebo. Nomba uwakushipikisha ukufika nakumupwilo ewakupuluka.
Nomba uwakushipikisha ukufikila kumupwilo, ewakupuluka.
Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.
Fyonse ifyalembwa mu Malembo fyalembelwe ukutusambisha fwebo. Nga Amalembo akotusambisha ukuteka umutima ukwebati tube ukulolela nokukoseleshiwa ukwakufikapo.
Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.
Nakambi tulasansamuka mukuchula pakuti twalishiba ati nku kulete ukushipikisha.
Nakushipikisha kuleta ubwikashi bufwaya Lesa. Nambu bwikashi ebutupela ukulindila.
Elo nga tukolindila icho tatulabonapo tulingile ukulindila nomutima-tenka.
Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.
Bashikulu batungulule imitima yenu ukuti mwishibe ukutemwa nokufuka umutima kuli Klistu.
Mulingile ukushipa mukuchita ifikofwaya Lesa ukuti mukapokelele ifyo alayile.
Tukofwayisha ukuti uuli onse muli mwebo apitilile ukubonekesha ukuchinchila nku ukushinta nakumupwilo, ukuti fikachitike ifyo mukolindila.
Elo Abulahamu alilindile mukutekanya. Echo alipokelele ifyo Lesa amulayile.
Pakuba mwalishiba ukwebati ulo ichichetekelo chenu chayeshekwa mulashipilako.
Lekeni ukushipa nku kutwalilile ukwambula ukufilwa ukwebati mube abakaele nokufikapo, abatakokabilapo akantu akali konse.
Elo mulundeko ukuyisunga kumulangwe ngu, ukukosapo pakwisunga kwenu, nokulomba Lesa mukushipikisha kwenu kwenka.
Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.
Onse uulingile ukupintwa mubwankole, nachine mubwankole bakumupinta. Na onse uulingile ukwipayiwa kumwele, nachine kumwele bakumwipaya. Echo abantu bakwe balingile ukushipikisha nokwikalilila muchichetekelo.”
Echo abantu baku Lesa balingile ukushipikisha, bo abalama amafunde yaku Lesa nechichetekelo icho bakwete muli Yesu.
Pakuti walilama amashiwi anji nokushipikisha, nandibo nakukusunga panshita iyamafya ayo ayakwisa pabantu bonse pachalo ukuti beshekwe.
