17 Bonse bakumupata pamulandu muli bantu banji.
Abantu bonse bakumupata pamulandu waku nebo. Nomba uwakushipikisha ukufika nakumupwilo ewakupuluka.
“Abantu bamitundu yonse bakumusula pamulandu wanji.
“Mwalishuka mwebo ulo abantu bakomusuula, bakomuchusha, bakomweba ifibi fyonse nokumubepesha ubufi pamulandu wanji.
Ukuba abantu bonse bakumupata pamulandu wakuti muli bantu banji. Nomba uyo uwakushipikisha ukufikila kumupwilo, ewakupuluka.
Mwakwisa kwembulwa kubafyashi benu, bawenu, abamukowa wenu, nefibusa fyenu. Elo bambi abamuli mwe bakwipayikwa.
Nomba takupo pali mwe uwakulofya nangu umushishi umo kumitwi yenu.
“Mwalishuka mwebo ulo abantu bakomupata nokumusula, bakomutuka nokumweba ati muli babi pamulandu wa Mwana wa Muntu!
Nga mwali abamuchalo, ichalo nga chalimutemenwe ukubati abene. Nomba nebo nalimusalile ukufuma muchalo, tamuli nomba abamuli nchino chalo. Echo ichalo nomba chikomupatila.
Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.
Nalibasambisha amashiwi enu, elo ichalo chalibapatile pakuti tabalipo bamwibumba lyabo, ukubati nimfilya nandibo tanshilipo wamuli bo.
Elo abantu bapano chalo tekuti bamupatepo. Nomba nebo balinsulile pantu ndabeba ati imilimo yabo iibi.
Elo nebo nenka nakumulanga ifintu fyonse ali nokuchula pamulandu waku nebo.”
Echo ndasekelela ulo ndiwanaka, abantu bakontuka, bakomfinya, nolo nkoumfwa ukutinya namafya onse pamulandu waku Klistu. Pakuba ulo ndiwanaka, elo ndi nefiso.
Mubumi bwesu bonse tukopelwa kumfwa pamulandu waku Yesu ukwebati ubumi bwakwe buboneke mumibili yesu iifwa.
Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.
Pakuba alimupela ishuko, telyakuchetekela bwaka, kuntu nokumfwa ukufinya pamulandu wakwe.
Abantu kati bakomuchusha pamulandu weshina lyaku Klistu, ekwebati mwalishuka, pantu Umupashi wamuchinshi, Mupashi waku Lesa, walikala pali mwe.
Nalishiba ukuti walitekanya, walichula pamulandu wakunebo, elo tawanenukapo.
