Luka 21:12 - Chipangano Chabwangu

¹² Ulo mfi fyonse, fitalachitika, bakumwikata nokumuchusha. Elo bakumutwala mukupingulwa mumananda akulombelamo Lesa, nokumuposa muchifungo. Bakumutwala kuli bakateka nabapingushi pamulandu wanji.

Luka 21:12 ပူးပေါင်းရင်းမြစ်များ

Mateyo 22:6

Nomba abashelepo, bayikete abapyungi bakwe, balibachushishe nokubepaya.

Mateyo 24:8

Mfi fyonse fyakuba ekutatika kwamachushi.

Luka 21:11

Kwakwisa kuba ifinkukuma, insala, nemyalu konse-konse. Kwakwisa kuba ifyakutinya nefishibilo ifinji ifyakufuma kumulu.

Yohane 15:20

Ibukileni ifyo nasosele namwe ukuti, ‘Umusha tali umukulu ukuchila shikulu wakwe!’ Nga balinchushishe nebo, epo bakumuchusha namwe kumo. Nga basungile ukusambisha kwanji, elo bakusunga nokusambisha kwenu.

Yohane 15:21

Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.

Imilimo ya batumwa 22:30

Elo umukulu wabashilikali alikufwaya ukwishiba umulandu Abayuda balikufwaya ukwipayilapo Paulo. Echo akasuba kakonkelepo alimukakwile. Epo aebele intungulushi shabachipupila nabakapingula ukulongana pamo bonse. Elo atwiteko Paulo nokumwimanika kuntanshi yabo.

Imilimo ya batumwa 5:40

Elo bayitile abatumwa ukuti benjile mukati. Babapamine ifikoti nokubakonkobesha ukuti belokusambishapo mwishina lyaku Yesu. Panuma balibalekele.

Imilimo ya batumwa 8:3

Nomba Saulo alikoselepo ukonaula ichilonganino chabena Klistu chonse. Elo alikwinjila namumananda abo, nokwikata abalalume nabanakashi, nokubaposa muchifungo.

Imilimo ya batumwa 9:4

Elo awile panshi nokumfwa ishiwi ilikoti, “Saulo, Saulo! Mba nindo uunchushisha?”

1 Petulo 2:13

Pamulandu waku Bashikulu, munakile abantu bonse babika ukuba bakateka. Nangu nikateka mukulu, pakuti akotungulula ishamfumu shimbi shonse.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.