Luka 20:47 - Chipangano Chabwangu

⁴⁷ Mulalila bamukamfwilwa amasuku pamitwi pakupokolola amananda afiko, nakambi nokuyilanga kubantu mukulomba kwabo ukutali! Ukuchula kwabo kuli Lesa kwakwisa kuba ukukulu ukwinekantu!”

Luka 20:47 ပူးပေါင်းရင်းမြစ်များ

Mateyo 23:13

“Ishamo kuli mwebo mwe basambishi ba Mafunde na Bafalisi, mwe bakutumpayika! Mulesala pamulyango wabufumu bwakumulu pakuti abantu bayinjilamo. Namwe tamwinjilamo, elo nabo abakofwaya ukwinjilamo mulabakanya. [

Mateyo 23:14

Ishamo kuli mwebo mwe basambishi ba Mafunde na Bafalisi, mwe bakutupayika! Mulalila bamukamfwilwa amasuku pamitwi pabuboni bwabo nokuchenjeleka abantu pakulomba kwenu ukutali! Echo Lesa akumupelelapo umulandu ukulu.]

Maliko 12:40

Mba bantu ebalila bamukamfwilwa amasuku pamitwi pakupokolola ifyuma fyabo uyo babepayika abantu pakulomba ukutali! Mwandi! Nachine Lesa akubapela umulandu uukulu.”

Luka 12:1

Munshita njilya, ulo amakana namakana yabantu balongene pamo ichakwebati balikunyantana, Yesu abalile ukusosa kubakusambila bakwe ati, “Chenjeleni nemimena ya Bafalisi abakutumpayika.

Luka 20:46

“Mulokuchenjela nabasambishi ba Mafunde, abatemwa ukwendauka bafwite bwaka minjila nokutemwa ukupelwa umutende uwamuchinshi mufifulo fyamakwebo. Abo abasala ifipuna fyamuchinshi mumananda akulombelamo Lesa, nakambi nokubula ififulo ifyamuchinshi mumananda aamalila.

Luka 21:1

Yesu aliloleshe nokubona abantu abasambashi uko balikuposamo ifyabupe muchipawo chamunanda yaku Lesa.

1 Tesalonika 2:5

Ukubati nimfiya mwayishiba, tatwayishile kuli mwe namashiwi akumunasha nangu ayakwichingilila kubunkalwe bwesu iyowo. Lesa ekamboni wesu.

Taitasi 1:16

Balasosa ati balimwishiba Lesa, kuntu ifyo bachita filabakanina. Bantu balupato abatalama amafunde, abatangachitapo imilimo iiweme.

Yemusi 3:1

Mwe bawesu, tatulingilepo bonse ukuba abasambishi iyowo. Mwalishiba ukuti fwe basambishi akutupela umulandu ukuchila abantu bambi.