Luka 20:24 - Chipangano Chabwangu

²⁴ “Nangeniko indalama yabuseke. Nga chinso neshina ilyalembwapo fyakunani?” Nabo basosele ati, “Fyakwa kateka mukulu waku Loma.”

Luka 20:24 ပူးပေါင်းရင်းမြစ်များ

Mateyo 18:28

“Nomba ulo afuminepo bwaka, akumenye umupyungi munakwe uwamukongwele indalama umwanda umo bwaka. Alimukamine pamukoshi nokumweba ati, ‘Mbwesesha inkongole yanji!’

Mateyo 20:2

Ulo ashilile ukupangana nabamilimo ukubapa ikobili limo akasuba kamo, alibatumine mwibala lyakwe ilya mpesha.

Mateyo 22:20

Elo Yesu abafumbile ati, “Kanshi ngu umutwi namfi ifyalembwapo fyaku nani?”

Maliko 12:16

Nabo balimutambikile imo. Elo abafumbile ati, “Kanshi ngu mutwi namfi ifyalembwapo fyaku nani?” Nabo bamwasukile ati, “Fyakwa Kayisale.”

Luka 2:1

Muli nshilya nshiku, imbila yafumine kuli Ogasitasi, Kateka Mukulu waku Loma, ukuti abantu bonse abali muchalo chakwe balembwe.

Luka 20:22

Twebeko, napo amafunde esu alasuminisha ukusonka musonko kuli kateka mukulu waku Loma, nangula iyowo?”

Luka 20:23

Nomba Yesu alishibile ubuchenjeshi bwabo. Elo asosele kuli bo ati,

Luka 20:25

Epo Yesu asosele kuli bo ati, “Chiweme, peleni kuli Kayisale ifyakwa Kayisale, nakuli Lesa ifyaku Lesa.”

Luka 23:2

Nkulya batatikile ukumwebaula ati, “Twayikete ngu muntu pakuti akolufyanya abantu besu. Akobeba ati mwilokupelapo imisonko kuli kateka mukulu waku Loma nakambi akoeba ukuti Ewasubwa waku Lesa, imfumu.”

Luka 3:1

Epo mumwaka wekumi nayisano iyabufumu bwaku Tibeliyasi, kateka uwaku Loma na Pontiyo Pilato ewali kateka waku Yudeya. Elo Helodi ewali imfumu yamu Galili, nawabo Filipo naye ewali imfumu yamufyalo ifyaku Ituleya naku Tulakonitisi. Lisaniyasi naye ewali imfumu yamuchalo cha Abilene.

Imilimo ya batumwa 11:28

Umunabo umo uwitwa Agabusi, ayimakene nokusosa ukupitila mufiso fya Mupashi Wabuta ukuti kwakuba insala muchalo chonse. (Nchi chachitikile ulo Kulodiyasi ali ni kateka mukulu waku Loma.)

Imilimo ya batumwa 26:32

Nomba Agilipa aebele Fesitasi ati, “Ngu muntu nga tatwele umulandu wakwe kuli kateka mukulu nga akakulwa bwaka.”

Filipi 4:22

Bawesu abapatulika bonse abo ndinabo nkuno bakomuposha umutende, ukuchilapo abo abapyungila munanda yamfumu iyaku Loma.