Luka 2:37 - Chipangano Chabwangu

³⁷ Epo alikele bumukamfwilwa imyaka amakumi asano na atatu nayine. Talikufumako kunanda yaku Lesa. Ali uwakupyungila Lesa akasuba nobushiku. Alikulomba nokwiikanya ukulya.

Luka 2:37 ပူးပေါင်းရင်းမြစ်များ

Luka 5:33

Abantu bambi basosele kuli Yesu ati, “Abakusambila bakwa Yohane balayikanya ukulya libili-libili nakambi balalomba, abakusambila baba Falisi nabo efyo bachita, nomba abakusambila benu balalya nokunwa.”

Imilimo ya batumwa 13:3

Ulo bapwile ukuyikanya ukulya nokulomba kuli Lesa, elo bababikilepo amaboko, nokubatuma.

Imilimo ya batumwa 14:23

Basalile abalalume ukuti balokutungulula umo-umo mufilonganino. Ulo balombele nokuyikanya ukulya, babapele kuli Bashikulu Yesu abo bonse abachetekele.

Imilimo ya batumwa 26:7

Echilayo chenka icho nemikowa yesu ikumi na ibili, abo abalomba Lesa akasuba nobushiku, ikololela. Mwe bachinshikwa, nipamulandu wachichetekelo nchi epo napelwa umulandu ku Bayuda!

1 Timoti 5:5

Nomba umwanakashi chokolo umwinenene, uutakwetepo nangu umo uwakumwafwako, nga abika ichichetekelo chakwe muli Lesa epela. Elo alalomba ukwambula ukuleka ubushiku nakasuba ukuti Lesa amwafwe.

Ukufisulula 3:12

Onse uwakuchimfya, nakumupanga ukuba ichitebe munanda yaku Lesa wanji, takafumemo iyowo. Pali ye nakulembapo ishina lyaku Lesa wanji nelyamusumba wanji, ekuti Yelusalemu wabwangu, ukafuma kumulu kuli Lesa wanji. Pali ye nakulembapo nakambi ishina lyanji ilyabwangu.

Ukufisulula 7:15

Echo bali pantanshi yamupando wabufumu bwaku Lesa, balamulomba akasuba nobushiku munanda yakwe. Ngulya uwayikala pamupando wabufumu bakuba nakwe nokubachingilila.