Luka 2:34 - Chipangano Chabwangu

³⁴ Simyoni alibashukishe nokusosa kuli Maliya banyina ati, “Bona ngu mwana wabikwa ukuti abenji mu Isilaeli bakuwa, abenji nabo bakwima. Akuba ichishibilo chakwa Lesa icho abantu abenji balikukana.

Luka 2:34 ပူးပေါင်းရင်းမြစ်များ

Mateyo 11:19

Elo Umwana wa Muntu ayishile, alikulya nokunwa. Abantu bonse baebele ati, ‘Boneni ngu muntu! Wakumutoba, nichakolwa nakambi nichibusa wabamisonko nembifi!’ Nomba umulangwe waku Lesa ulaboneka ukuba uwachine kumilimo yauko.”

Mateyo 12:46

Ulo Yesu alikusosa kubantu, kwayishile banyina nabawakwe, bayimakene panse, bamutumine intumi ukumwita ukuti basose nakwe.

Mateyo 21:44

Umuntu onse uukaponena pali ndi bwe, akukonayika, noyo lyakuwilapo akushonayika.]

Mateyo 27:63

nokumweba ati, “We mfumu, twayibukisha ifyo ngulya uwabufi alikusosa ulo ali nobumi ati, ‘Nga shakumana inshiku shitatu nakubuka kubafwa nakambi.’

Luka 2:35

Elo bakufisulula amalangulushi amumitima yabo. Nachine nechikonko, chakulasa umutima obe kubati mwele wankondo.”

Yohane 3:20

Muntu onse uuchita ububi ewapata ukusanika, pantu tafwayapo imilimo yakwe iibi ukuti iboneke kubantu.

Yohane 5:18

Nga mashiwi eyalengele abakulu ba Bayuda ukuti bafwayishe ukwipaya Yesu. Temulandupo wakutoba ifunde lyakasuba ke Sabata lyenka iyowo, kuntu nipakulabila ati Lesa ebawishi. Muli nga mashiwi Yesu ayilingile kuba uwalingana na Lesa.

Imilimo ya batumwa 13:45

Nomba Abayuda pakubona ubwinji bwabantu, bayiketwe ubufuba. Batatikile ukutalikana pafintu Paulo alikumusosapo nokumutuka.

Imilimo ya batumwa 17:6

Nomba ulo tababasangileko, batatamwine Yasoni nabana nabachetekela banakwe bambi nokubatwala kubakulu bamumushi. Elo babilikishe bati, “Mba bantu mwabona ebaletele ichimfulunganya konse-konse! Nomba bayisa nakumushi wesu.

Imilimo ya batumwa 24:5

Tusangile ukuti ngu muntu chipondo ichabipisha. Akotatika ichimfulunganya ku Bayuda muchalo chonse nakambi emutanjishi webumba lya Banasalete.

Imilimo ya batumwa 28:22

Elo tukofwaya ukuyumfwila kufyo ukolanguluka. Pakuba fwebo tulishibile ukuti konse-konse bwaka abantu basosa ifyabipa pebumba ndi webo wabamo.”

Imilimo ya batumwa 4:26

Imfumu shapano chalo shayipekanya, intungulushi shakumana pamo, bakopingila Bashikulu no Wasubwa wabo.’

Imilimo ya batumwa 6:7

Elo amashiwi aku Lesa afikile konse-konse, nempendwa yabena Klistu yalikukulilako mu Yelusalemu. Nabo bachipupila abenji balichetekele.

Loma 9:32

Mba nipamulandu ndo? Nipamulandu wakwebati tabashintililepo pachichetekelo, kuntu pamilimo yabo. Echo bayitutwile kulibwe ilyo abantu bayitutwilako.

1 Kolinto 1:23

Nomba fwebo tulasambisha ifyaku Klistu uwo basamikile pamutashi. Ku Bayuda amashiwi nga akuyituntulako, kuntu kubenafyalo aapuneme.

Hebele 7:1

Ngu Melikisedeki ali nimfumu yaku Salemu nakambi Chipupila waku Lesa Uwapulamo. Ulo Abulahamu alikubwela kunkondo uko alwishishe nokuchimfya imfumu nshilya, Melikisedeki alimukumenye nokumushukisha.

Hebele 7:7

Ukwambula nokutwishikapo umuntu ushukisha alachila uyo ushukishiwa.

1 Petulo 4:14

Abantu kati bakomuchusha pamulandu weshina lyaku Klistu, ekwebati mwalishuka, pantu Umupashi wamuchinshi, Mupashi waku Lesa, walikala pali mwe.