Luka 2:14 - Chipangano Chabwangu

¹⁴ “Umuchinshi ube kuli Lesa mumulu mwine, epo nomutende panonshi mubantu abo atemwa!”

Luka 2:14 ပူးပေါင်းရင်းမြစ်များ

Mateyo 21:9

Elo abantu balikwendela kuntanshi, nabali kumunkonka panuma, balikwaula bati, “Achinshikwe Mwana Davide! Alishuka uyo uwishila mwishina lyaku Lesa! Muchinshikeni mwe bakumulu wamyulu!”

Luka 1:79

Akubasanikila bonse abayikala mumfinshi namuchintelelwe chamfwa, ukulangilila munshila yabwanalale.”

Luka 19:38

Basosele ati, “Lesa ashukishe Imfumu iikoyishila mwishina lyaku Bashikulu! Umutende mumulu nomuchinshi kuli Lesa Mukulu!”

Luka 2:13

Bwangu-bwangu kwabwenekele ibumba ilikulu lyabangelo pamo nomungelo ngulya, lyalikulumbanya Lesa ati,

Luka 2:15

Ulo abangelo bafuminepo nokuya kumulu, bachembela balisoshenye bati, “Katulokuya lwenka nduno ku Betelehemu, tukabone nchi chintu chachitika icho Bashikulu bafisulula kuli fwe.”

Luka 3:22

no Mupashi Wabuta wayikele pali Ye, uwapalile ukubati ninkunda. Neshiwi lyafumine kumulu ati, “Webo uli mwana wanji uwatemwekwa, muli webo nkosekelela.”

Yohane 14:27

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Yohane 17:4

Nalimuchinshika muno chalo pakushilisha umulimo uwo mwampele ukuchita.

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Efeso 1:6

Afwayile ukwebati tumutondayishe pabwanshi bwakwe ubukulu pakutupela bwaka umwana wakwe uwo atemwesha.

Efeso 1:9

Lesa alitufisulwila ubufwayo bwakwe afishile ubo apingile ukuchita muli Klistu.

Efeso 2:4

Nomba Lesa wankumbu ukwinekantu nakambi alitutemwa ukuchilapo.

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

Filipi 2:13

Pakuba Lesa eubombela muli mwebo ukuti mufwaye nokuchita ifimusekesha Ye.

Kolose 1:20

Muli Klistu Lesa apingwile ukuwikishanya ifintu fyonse kuli Ye, ifyapanshi nefyakumulu. Lesa aletele umutende mumfwa ya Mwana wakwe pamutashi.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

Ukufisulula 5:13

Nakambi nalyumfwile ifibumbwa fyonse mumulu, panonshi, napanshi yachalo, muli bemba nefintu fyonse ifyaba mumulenga-lenga fikoyimba ati, “Kuli uyo uwayikala pamupando wabufumu, naku Mwana wambelele bamutondayishe nokupela umuchinshi, ubuleme, elo nefiso umuyayaya!”