Luka 2:11 - Chipangano Chabwangu

¹¹ Pakuti kwafyalikwa kuli mwebo muli nkano kasuba mumushi wakwa Davide, Umupulushi, eye Klistu Bashikulu!

Luka 2:11 ပူးပေါင်းရင်းမြစ်များ

Mateyo 1:16

Yakobe afyele Yosefe uwaupile Maliya, Maliya naye afyele Yesu, uwitwa Klistu.

Mateyo 1:21

Akufyala umwana umwalalume. Elo webo wakwisa kumwinika Yesu, pakuti eukapulusha abantu bakwe kumabifyo abo.”

Mateyo 16:16

Simoni Petulo alyasukile ati, “Niwe Uwasubwa waku Lesa ngulya uwalayilwe, Mwana Lesa wabumi.”

Mateyo 16:20

Elo Yesu abakonkobeshe abakusambila bakwe ati, tekwesha ukubushako umuntu nangu umo ukwebati nine Uwasubwa waku Lesa.

Luka 1:43

Nomba mbelishuko lyayisa shani kuli nebo ichakuti banyinabo baku Bashikulu wanji bantandalila?

Luka 1:69

Atuletele umupulushi uwafiso, uwamuchikolwe chakwa Davide umupyungi wakwe.

Luka 2:26

Epo Umupashi Wabuta walimufisulukile ukuti tali nokufwa ulo atalabona Uwasubwa waku Lesa.

Luka 2:4

Yosefe naye alimine ukufuma ku Galili, kumushi waku Nasaleti, nokuya ku Yudeya, kumushi wakwa Davide, uukoyitwa Betelehemu, pakuba ali uwamukowa wa Davide.

Yohane 1:41

Bwangu-bwangu asangile wabo Simoni, nokumweba ati, “Twamusanga Uwasubwa waku Lesa.” (Ndi shina lyaalula ati Klistu.)

Yohane 1:45

Filipo naye asangile Natanayeli nokumweba ati, “Twamusanga uwo Mosesi alembele mwibuku lya Mafunde, nabasoseshi nabo balimulembele. Ni Yesu waku Nasaleti, mwana Yosefe.”

Yohane 11:27

Malita aasukile ati, “Ina, Bashikulu. Nkochetekela ukuti mwebo nimwe Uwasubwa, Umwana waku Lesa, uyo uwakwisa panonshi.”

Yohane 20:31

Nomba mfi fyalembwa ukwebati muchetekele ukuti Yesu e Wasubwa, Umwana waku Lesa, nokuti nga mwamuchetekela mube nobumi butapwapo.

Yohane 4:25

Umwanakashi asosele ati, “Nalishiba ukuti Uwasubwa waku Lesa akwisa. Ulo Ye akwisa, akutubusha ifintu fyonse.”

Yohane 4:42

Epo basosele kumwanakashi ati, “Twachetekela nomba, tepamulandu wakuli mfilya ifyo watubusha, kuntu pantu twayumfwila fwebene. Elo twayishiba ukuti nachine ngu Mupulushi wachalo.”

Yohane 6:69

Nomba twachetekela nokwishiba ati nimwe Uwapatulika wafuma kuli Lesa.”

Yohane 7:41

Bambi basosele ati, “Ngu muntu eye Uwasubwa waku Lesa.” Nomba bambi nabo balikusosa ati, “Napo Uwasubwa ngu kuti afuma ku Galili?

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Imilimo ya batumwa 13:23

Mubufyashi bwakwa Davide, Lesa atumine Yesu ukuti abe Umupulushi wabena Isilaeli kubati nimfilya alayile kale.

Imilimo ya batumwa 17:3

Alikubalondolwela ifya Mumalembo nokubalanga ukuti Uwasubwa waku Lesa ali nokuchunshikwa nokubuka kubafwa. Paulo alikubeba ati, “Ngu Yesu nkomushimikila e Wasubwa waku Lesa.”

Imilimo ya batumwa 2:36

“Kanshi mwe bena Isilaeli bonse mwishibe nchi ichakuti ngu Yesu uwo mwebo mwasamikile pamutashi, eye Lesa achita Imfumu no Wasubwa!”

Imilimo ya batumwa 5:31

Nomba Lesa alimuchinshika nokumubika kukuboko kwakwe ukwamulyo. Amuchitile ukuba Intungulushi no Mupulushi ukuti abena Isilaeli balapile nokunakililwa kumabifyo abo.

1 Kolinto 15:47

Umuntu wakwamba ngulya afumine kwiloba. Umuntu wachibili afumine kumulu.

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

Kolose 2:6

Mwenka umo mwasuminina ukuti Klistu Yesu Bashikulu wenu, mulokwikalilila muli Ye.

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.