Luka 19:9 - Chipangano Chabwangu

⁹ Elo Yesu amwebele ati, “Nkano kasuba ipusukilo lili muli njino nanda, pantu ngu muntu, naye mwana wakwa Abulahamu.

Luka 19:9 ပူးပေါင်းရင်းမြစ်များ

Luka 13:16

Nomba ngu wamulupwa lwakwa Abulahamu uwo Satana asunga imyaka ikumi na isano na itatu, kanshi tekuti akakulwepo pakasuba ke Sabata?”

Luka 13:30

Epo abali abapanuma ebakuba abapantanshi, nabo abali pantanshi ebakuba abapanuma.”

Luka 16:24

Epo alibilikishe ati, ‘Bata Abulahamu! Beni nechisa nandibo. Mutumeni Lasalo atubike umunwe wakwe mumenshi atontwele, ese antontosheko kulumini lwanji pakuti nkochula mumulilo ngu!’

Luka 16:30

“Elo umusambashi alyasukile ati, ‘Iyowo, mwe bata Abulahamu! Kano umo ukufuma kubafwa nga abuka ukuya kuli bo, elo bengachetekela.’

Luka 2:30

Pakuti amenso anji abona ichipulusho chenu,

Luka 3:8

Chiteni ifintu ifyakulanga ukupilibuka kwamitima yenu. Elo mwilokwibepapo mumitima yenu mwati, twaliba nanshifwe Abulahamu. Nachine nkomweba ati, Lesa aakwalula nga mabwe ukuti abe abana bakwa Abulahamu.

Loma 4:16

Echo ubulayo bwayimakene pachichetekelo ukwebati ubulayo mbu bushininkishiwe ukuba ubupe bwaku Lesa kubana bonse abakwa Abulahamu. Te kuli mbalya benka abalama Amafunde akwa Mosesi iyowo, kuntu nabo abachetekela kubati nimfilya Abulahamu achetekele. Pakuti Abulahamu echikolwe chesu tonse.

Galatiya 3:14

Klistu achitile mfi ukwebati amashuko onse Lesa alayile Abulahamu, apelwe kubenafyalo ukupitila muli Klistu Yesu. Elo mukuchetekela tupokelele Umupashi Wabuta uwo Lesa alayile.

Galatiya 3:29

Nga muli abaku Yesu, ekwebati muli bana abakwa Abulahamu abalinga ukupokelela ifyo Lesa alayile.

Galatiya 3:7

Kanshi mwishibe ukuti abachetekela ebana abenenene abakwa Abulahamu.

1 Petulo 2:10

Akale tamwalipo abantu baku Lesa, kuntu nomba muli bantu bakwe. Akale tamwapokelelepo ubwanshi, kuntu nomba mwalibupokelela.