Luka 19:38 - Chipangano Chabwangu

³⁸ Basosele ati, “Lesa ashukishe Imfumu iikoyishila mwishina lyaku Bashikulu! Umutende mumulu nomuchinshi kuli Lesa Mukulu!”

Luka 19:38 ပူးပေါင်းရင်းမြစ်များ

Mateyo 2:2

Ulo bafikile balifumbile ati, “Alikwisa uyo ufyelwe imfumu ya Bayuda? Pakuti twalibwene ulutandala lwakwe kumutule-suba. Nomba twayisa mukumulambila.”

Mateyo 21:9

Elo abantu balikwendela kuntanshi, nabali kumunkonka panuma, balikwaula bati, “Achinshikwe Mwana Davide! Alishuka uyo uwishila mwishina lyaku Lesa! Muchinshikeni mwe bakumulu wamyulu!”

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Mateyo 25:40

Elo Imfumu yakubasuka ati, ‘Nachine nkomweba ati, ulo mwayafwilishe umo uwakuli mba abali kubulilwa, ninebo mwayafwilishe.’

Luka 13:35

Bona, inanda yaku Lesa yenu, yakuba ichibolya. Nachine nkomweba ati, tamwakambonepo nakambi iyowo, ukufikila mukasuba mwakwisa kusosa ati, ‘Alishuka uyo uukoyisa mwishina lyaku Bashikulu.’”

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Efeso 1:12

Afwayile ukuti fwebo fwe bakutatika ukuchetekela muli Klistu, tuchinshike ubuleme bwakwe.

Efeso 1:6

Afwayile ukwebati tumutondayishe pabwanshi bwakwe ubukulu pakutupela bwaka umwana wakwe uwo atemwesha.

Efeso 3:10

Elo Lesa akubomfya ichilonganino mukubwenesha ifiso nensambu shakwe kufyakumulu ukwebati fishibe ati, ali nomulangwe uupusene-pusene.

Efeso 3:21

Ichilonganino chimupele ubuleme muli Klistu Yesu, munkulo shonse umuyayaya. Ameni.

Kolose 1:20

Muli Klistu Lesa apingwile ukuwikishanya ifintu fyonse kuli Ye, ifyapanshi nefyakumulu. Lesa aletele umutende mumfwa ya Mwana wakwe pamutashi.

1 Timoti 1:17

Ku Mfumu iyamuyayaya, itafwapo neyibonekapo, Lesa umo enka, kuli Ye kube ubuleme ubwanshiku shonse. Ameni.

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.