Luka 19:21 - Chipangano Chabwangu

²¹ Nalitinine pakuti uli mukali. Ubula nefitali fyobe nokulobolola umo utaminshilemo.’

Luka 19:21 ပူးပေါင်းရင်းမြစ်များ

Luka 19:20

Umupyungi uwakulekelesha naye alishile nokuti, ‘Mwe mfumu, indalama yenu ninji. Naliyikakilile kukasalu nokuyisunga.

Luka 19:22

Imfumu yamwebele ati, ‘We mupyungi mubi! Walishiba ukuti ndimukali, elo ndabula nefitali fyanji nokulobolola umo ntaminshilemo.

Loma 8:15

Umupashi Wabuta uwo mwapokelele taumulengapo ukuti mube abasha nakambi iyowo, kuntu ukuba abana. Nakambi eulenga ukuti tulokulomba ati, “Abba, Bata.”

Loma 8:7

Echo ababika imitima yabo pafintu ifyapanonshi fipondo fyaku Lesa. Tabanakilapo Ifunde lyaku Lesa. Nachine tekuti banakilepo.

2 Timoti 1:7

Pakuti Lesa tatupelepo Umupashi wamwenso iyowo, kuntu uutupela ifiso, ukutemwa nokwikanya.

Yemusi 2:10

Pakuti nga umuntu aalama onse, kuntu atobapo limo, epela ali nomulandu wakutoba onse.

1 Yohane 4:18

Umuntu uwakwata ukutemwa takwetepo umwenso iyowo, pakuti ukutemwa kwine-kwine kulafumya umwenso. Nga muntu ali nomwenso ekuti aletina ukukandwa nokutemwa kwakwe takwafikapo.

Yuda 1:15

Akwisa kupingula nokubachinka panshi bonse abatomfwila Lesa pamulandu wabubi bonse ubo bachitile. Akwisa kubachinka panshi napamashiwi onse amisula awo imbifi shalikusalula Lesa.”