Luka 19:17 - Chipangano Chabwangu

¹⁷ Imfumu yamwebele ati, ‘Wachita bwino, we mupyungi uuweme! Apo uli uwachetekelwa patunini, nkokubika ukuti ube kateka wamishi ikumi.’

Luka 19:17 ပူးပေါင်းရင်းမြစ်များ

Mateyo 25:21

Elo shikulu wakwe amwebele ati, ‘Wachita bwino wemupyungi uuweme nakambi uwachetekelwa. Pakuti waba wachine patunini, nomba nkokubika ukuba umukulu pafintu ifinji. Echo injila usekelele pamo nandibo ne shikulu obe.’

Luka 16:10

Uyo onse uuli uwachetekelwa mutuntu utunini akwisa kuba uwachetekelwa namufikulu. Nga mwakuba abatachetekelwa mutuntu utunini, mwakwisa kuba abatachetekelwa namufikulu.

Luka 19:16

Uwakwamba asosele ati, ‘Mwe mfumu, nafungashenyemo indalama ikumi pali imo iyo mwampele.’

Luka 19:18

Uwachibili naye asosele ati, ‘Mwe mfumu, nafungashenyemo indalama shisano pali imo iyo mwampele.’

Luka 22:30

Mwakwisa kunwa nokulya petebulu lyanji mu Bufumu bwanji. Elo mwakwisa kwikala pafipuna ifyabufumu nokupingula pamikowa ikumi na ibili ya Baisilaeli.

Loma 2:29

Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.