Luka 19:12 - Chipangano Chabwangu

¹² Epo asosele ati, “Kwali umuntu umuchindami uwalikuya kuchalo ichakutali, ukuya mukuba imfumu. Alangulukile ukubwelela kumushi.

Luka 19:12 ပူးပေါင်းရင်းမြစ်များ

Mateyo 21:38

Nomba ulo abalimi bamubwene, balisoshenye abati, ‘Tenjilya impyani yakwe ikoyisa. Iseni tumwipaye pakuti ibala libe lyesu.’

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Maliko 12:1

Yesu atatikile ukulabila nabo mufyelusho. Asosele ati, “Kwalipo umuntu uwalimine ibala lya mpesha nokushitilako wombe. Ayimbilemo nechakukaminamo impesha, ayimekemo nechiteba. Ashile nebala kubalimi bambi, alimine nokuya kuchalo chimbi.

Maliko 16:19

Ulo Bashikulu Yesu bashilile ukusosa nabo, balipintilwe kumulu mukwikala kukuboko kwamulyo ukwaku Lesa.

Luka 20:9

Elo Yesu aebele abantu nchi chelusho ati, “Kwalipo umuntu uwalimine ibala lyampesha, ilyo apele bambi ukuti bamulimine. Elo ayimine nokuya kuchalo chimbi.

Luka 24:51

Ulo alikubashukisha, alilekene nabo nokupintwa kumulu.

Yohane 18:37

Elo Pilato amufumbile ati, “Kanshi webo uli mfumu?” Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”

Imilimo ya batumwa 17:31

Pantu Lesa alipekanya kale akasuba akupingwilamo abantu bonse abamuno chalo mumulinganya ukupitila mumuntu uyo asontele. Lesa alangile kubantu bonse ukuti eye asala ulo amubushishe kubafwa.”

1 Kolinto 15:25

Pantu Klistu alingile ukutungulula ukufika akuchimfya abalwani bakwe bonse.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

1 Petulo 3:22

Yesu aliile mumulu. Ali kukuboko ukwamulyo ukwaku Lesa. Kwenka nkulya, abangelo, babuntungulushi nabafiso bakomunakila.

Ukufisulula 1:7

Boneni akoyisa pamakumbi! Echo bonse bakumubona pamo nabo abamulashile. Imikowa yonse yamuno chalo yakulila pamulandu wakwe. Nachine nifyenka mfi. Ameni.