Luka 18:43 - Chipangano Chabwangu

⁴³ Bwangu-bwangu yatatikile ukubona, elo yakonkele Yesu nokuchinshika Lesa. Ulo abantu bonse babwene mfi, balichinshikile Lesa.

Luka 18:43 ပူးပေါင်းရင်းမြစ်များ

Mateyo 11:5

impofu shikobona, abalemana bakoyenda, abafyona bakopola, bankoma-matwi bakoumfwa, abafwa nabo bakobuka, nabachula bakoshimikilwa Ubutumi Bwawama.

Mateyo 21:14

Elo impofu nabalemana bayile kuli Yesu munanda yaku Lesa, na Yesu alibaposeshe.

Mateyo 9:8

Ulo abantu babwene mfi, balitinine. Elo bachinshikile Lesa uwapela abantu insambu ishili nga mfi.

Luka 13:17

Ukwasuka kwaku Yesu kwalengele utupondo twakwe ukuba nensoni, kuntu abantu bonse balisekelele pafintu fyonse ifyakushimbwisha ifyo achitile.

Luka 19:37

Ulo apalamine ku Yelusalemu, alikutentemuka Ulupili lwa Maolife, ibumba ilikulu ilyabakusambila bakwe lyatatikile ukutota Lesa nokumutondayisha mumashiwi ayakubilikisha pafintu ifyakushimbwisha ifyo babwene.

Luka 4:39

Yesu ayile kwimakana pambali yabulo bwamulwele, elo aebele ubulwele ukufumamo. Penkapo balipolele. Bwangu-bwangu batatikile nokubatebeta.

Luka 5:26

Elo abantu bonse bayiketwe mwenso uukulu, bachinshika Lesa nokusosa bati, “Lelo twabona ifyakushimbwisha.”

Luka 9:43

Abantu bonse balishimbilwe pafiso fyaku Lesa ifikulu ifyakuposha. Abantu bonse balikushimbwa pali fyonse ifyo Yesu alikuchita. Elo Yesu aebele abakusambila bakwe ati,

Imilimo ya batumwa 11:18

Ulo baumfwile nga mashiwi, alibashinine. Elo bachinshikile Lesa ati, “Kanshi Lesa alipela abenafyalo inshita yakulapila kumabifyo abo ukuti bakwate ubumi!”

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Imilimo ya batumwa 4:21

Nomba abachilye balibweleshepo ukubatinya ukuti belokuchitapo mfi. Penkapo balibalekele, pakuba tabasangilepo umulandu uwakubapela pantu abantu bonse balikutondayisha Lesa pachakushimbwisha icho bachitile.

Galatiya 1:24

Elo balichinshikile Lesa pamulandu waku nebo.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.