Luka 18:38 - Chipangano Chabwangu

³⁸ Elo yabilikishe ati, “Yesu! We Mwana Davide! Nkwatileni inkumbu!”

Luka 18:38 ပူးပေါင်းရင်းမြစ်များ

Mateyo 12:23

Echo amabumba abantu alishimbilwe ukwinekantu nokufumba ati, “Napo ngu ewungaba Umwana wakwa Davide?”

Mateyo 15:22

Elo kwayishile umwanakashi umwina Kenani uwalikwikala nkulya. Alibilikishe ati, “Mwe Bashikulu mwana Davide, nkwatileni inkumbu. Umwana wanji umwanansungu ali nemipashi iibi iinji.”

Mateyo 21:15

Intungulushi shabachipupila nabasambishi ba Mafunde babwene ifintu fyakushimbwisha ifyo Yesu achitile. Elo baumfwile abana bakobilikisha munanda yakulombelamo Lesa ati, “Achinshikwe Mwana Davide!” Mfi fyakalifishe imitima yabo.

Mateyo 21:9

Elo abantu balikwendela kuntanshi, nabali kumunkonka panuma, balikwaula bati, “Achinshikwe Mwana Davide! Alishuka uyo uwishila mwishina lyaku Lesa! Muchinshikeni mwe bakumulu wamyulu!”

Mateyo 9:27

Ulo Yesu afumineko, abalumbwana babili abali impofu balimukonkele nokubilikisha ati, “Yesu, We mwana wakwa Davide, tukwatileni inkumbu.”

Luka 18:37

Bamwebele ati, “Ni Yesu waku Nasaleti akopita.”

Luka 18:39

Abali kuntanshi baliyikalipile ukuti italale, kuntu impofu yalibilikishe ukwinekantu yati, “We Mwana Davide! Nkwatileni inkumbu!”

Loma 1:3

Busosa ifya Mwana wakwe, Bashikulu wesu Yesu Klistu. Ukusosa ifyabuntu bwakwe, afyalilwe muchikoto chamfumu Davide.

Ukufisulula 22:16

“Ninebo Yesu uutumine umungelo wanji ukuti abilishe ifintu mfi kuli mwe ifyakuchilonganino. Nebo ndiwamukowa wakwa Davide. Nine intandala isanika yakumatanda-cha.”